Արգիշտի Կիվիրյան. Հաստատապես հնարավոր է գտնել մեկ քիփլիկ խաղաղասեր պետություն, ով կճանաչի Արցախը
Վերլուծաբան Արգիշտի Կիվիրյանը, մեկնաբանելով, թե ինչպիսի լրացուցիչ քայլեր են անհրաժեշտ Արցախի նկատմամբ ադրբեջանական ագրեսիան կանգնեցնու համար, նշեց․ «Այսագրեսիան փակուղի մտցնելու եւ այն վիժեցնելու համար կերեւորագույն քայլերից մեկը կարող է հանդիսանա այն, որ աշխարհի որեւէ երրորդ պետություն, կապ չունի՝ ինչ չափերի եւ ազդեցության, հայտարարի Արցախի ճանաչման մասին։
Իհարկե, այս պատերազմում հայ զինվորի կամքը ու սխրանքը անմահ է ու այն ոսկե տառերով կգրվի հավիտենական հայ ազգի պատմության մեջ, սակայն պետք է հասկանալ, որ պատերազմները կանգնեցվում են ոչ միայն առաջնագծում։ Այդ ճանաչումը կստեղծի բացարձակ նոր իրավիճակ եւ ընդունակ է հենց Ադրբեջանում ստեղծելու բազմաթիվ հարցեր ու խնդիրներ։ Թուրքիայի դրդմամբ լայնածավալ ռազմական գործողություններ վերսկսած Ադրբեջանում բազմաթիվ զոհեր տվող եւ զրկանքներ կրող շարքային քաղաքացիները ու քաղաքականացված խմբերը կտեսնեն, որ ագրեսիան ընդամենը հանգեցրեց, նպաստեց ճանաչմանը եւ արդյո՞ք այդ ագրեսիայի շարունակությունը չի բերի ճանաչումների շղթայական ռեակցիայի։ Եվ կհնչեն հարցադրումներ, որ գուցե ճանաչումների շղթայական ռեակցիայից խուսափելու միջոցը ռազմական գործողությունները դադարեցնելը ու բանակցությունների սեղանի վերադառնալն է։
Հայության արտաքին ողջ ռեսուրսները այս պահին պետք է ուղղվեն այս խնդրի լուծմանը։ Հաստատապես հնարավոր է գտնել մեկ փոքրիկ, քիփլիկ խաղաղասեր պետություն, որը կցանկանա մտնել պատմության մեջ որպես այս տարածաշրջանում ընթացող պատերազմը դադարեցնող գործոն»։