Իսպանիայում շքեղ զբոսանավերից առգրավել են 35 տոննա հաշիշ
Իսպանիայի իշխանությունները հայտարարել են, որ 35 տոննա հաշիշ են առգրավել, որն անօրինականորեն փոխադրվում էր շքեղ զբոսանավերով, փոխանցում է Reuters-ը։
Իսպանիայի ֆինանսների նախարարությունը հայտարարել է, որ հաշիշը հայտնաբերվել է, երբ գործակալները բարձրացել են մաքսանենգներին պատկանող 4 զբոսանավերի վրա։ Ոստիկանությունը զբոսանավերում հայտնաբերել է 30 տոննա հաշիշ՝ ի հավելումն այն 5 տոննայի, որն ավելի վաղ առգրավվել էր այլ տեղերից։
Ոստիկանությունը կալանավորել է 9 բուլղարացու եւ մեկ ռուսաստանցու ու բռնագանձել մոտ 5 մլն եվրո արժեքով 6 զբոսանավ։
Նախարարությունից հայտարարել են, որ այս գործողությունը «ահռելի հարված էր ամենախոշոր հանցավոր կազմակերպությանը, որը զբաղվում է ծովով (Իսպանիա) հաշիշի մաքսանենգությամբ»։