Սլովենիայում Մելանյա Թրամփի փայտե արձանի հրկիզումից հետո տեղադրվել է նրա բրոնզե արձանը
Սլովենիայում` Միացյալ Նահանգների առաջին տիկին Մելանյա Թրամփի հայրենիքում, տեղադրվել է նրա բրոնզե արձանը` առաջին փայտե արձանի հրկիզումից հետո, հայտնում է Fox News-ը:
Երկու հուշարձանների հեղինակներն ամերիկացի արվեստագետ Բրեդ Դաունին եւ սլովենացի քանդակագործ Ալես «Մաքսի» Զուպեւկն են:
Առաջին փայտե քանդակը պատկերում էր Մելանյա Թրամփին կապույտ կոստյումով, որով նա ներկայացել էր իր ամուսնուզ ԱՄՆ նախագահ Դոնալդ Թրամփի երդմնակալության ժամանակ:
«Մենք այսօր հավաքվել ենք այստեղ, քանի որ կրկին տեղադրել ենք Մելանիայի արձանն այն նույն վայրում, որտեղ այն հրկիզվել էր, եւ այրված հուշարձանը հարգելու համար»,- արձանի բացման արարողության ժամանակ ասել է նկարիչ Մարկո Վիվոդան:
Նոր արձանը տեղադրված է հնի տեղում եւ դրա բրոնզե պատճենն է:
Հիշեցնենք, որ Սեւնիցա քաղաքում տեղադրված Մելանյա Թրամփի փայտե արձանը հրկիզվել էր, ինչից հետո այն ստիպված էին ապամոնտաժել:
Միջադեպի մասին հայտնի էր դարձել հուլիսի 5-ին:
Քանդակի հեղինակ Բրեդ Դաունին հայտարարել էր, որ միջադեպի կապակցությամբ հաղորդում է ներկայացրել ոստիկանություն եւ կցանկանար հարցազրույց վերցնել միջադեպի մեղավորից ցուցահանդեսի համար, որը նա մտադիր է անցկացնել Սլովենիայում սեպտեմբերին: