Ճապոնիայի պաշտպանության նոր նախարար կդառնա Սինձո Աբեի կրտսեր եղբայրը

Ճապոնիայի պաշտպանության նախարար Տարո Կոնոն կլքի իր պաշտոնը երկրի նոր վարչապետի կառավարությունում առաջիկա փոփոխությունների շրջանակներում, որի պաշտոնում սեպտեմբերի 16-ին կնշանակվի Ճnապոնիայի իշխող Լիբերալ-դեմոկրատական ​​կուսակցության նոր գլխավոր քարտուղար Յոսիհիդե Սուգան: Այս մասին երեքշաբթի հայտնել է Kyodo գործակալությունը:

Հաղորդագրության մեջ նշվում է, որ Կոնոն, ով նախկինում ղեկավարում էր երկրի ԱԳՆ-ն, պաշտպանության նախարարի պաշտոնից կտեղափոխվի վարչական գործերի եւ կապի նախարարի պաշտոնին: Իր հերթին, պաշտպանության նոր նախարար կդառնա Նոբուո Կիշին` Սինձո Աբեի կրտսեր եղբայրը, ով նախկինում զբաղեցնում էր երկրի արտաքին գործերի փոխնախարարի պաշտոնը, փոխանցում է ՏԱՍՍ-ը:

Ավելի վաղ Kyodo գործակալությունը հաղորդել էր, որ արտաքին գործերի նախարար Տոսիմիցու Մոտեգին, Ֆինանսների նախարար Տարո Ասոն, պետական ​​հողերի, ենթակառուցվածքների, տրանսպորտի եւ զբոսաշրջության նախարար Կաձույոսի Ակաբան եւ Օլիմպիական խաղերի եւ պարալիմպիկ խաղերի նախարար Սեյկո Հասիմոտոն կպահպանեն իրենց պաշտոնները Սուգայի նոր կառավարությունում:

Երկուշաբթի Տոկիոյում կայացած Ճապոնիայի իշխող Լիբերալ-դեմոկրատական ​​կուսակցության (ԼDPԿ) համագումարի ժամանակ բացարձակ մեծամասնությամբ կուսակցության նոր նախագահ էր ընտրվել Յոսիհիդե Սուգան: Այժմ սեպտեմբերի 16-ին երկրի խորհրդարանի երկու պալատների նիստին Սուգան կհաստատվի նոր վարչապետի պաշտոնում: Կուսակցական կանոնադրության համաձայն` ԼԴԿ-ի հաջորդ ղեկավարն այս պաշտոնը կզբաղեցնի մինչու 2021 թվականի սեպտեմբերի վերջ, երբ լրանում է պաշտոնաթող Աբեի լիազորությունների ժամկետը: Դրանից հետո նոր նախագահական ընտրություններ կանցկացվեն` արդեն ստանդարտ երեք տարի ժամկետով:

Սինձո Աբեն օգոստոսի 28-ին հայտարարել էր, որ ցանկանում է հրաժարական տալ առողջության վատթարացման պատճառով: Ընդ որում, Աբեն շեշտել էր, որ չի պատրաստվում ժամանակավոր վարչապետ նշանակել, այլ նախատեսում է մնալ իր պաշտոնում այնքան ժամանակ, քանի դեռ իրենց փոխարինող թեկնածու չի ընտրվել: