Moody՚s-ը նավթի-գազի համաշխարհային հատվածի կանխատեսումը բարելավել է՝ փոխելով «բացասականից» «կայունի»
Moody՚s միջազգային վարկանիշային գործակալությունը նավթի-գազի համաշխարհային հատվածի վերականգնում է ակնկալում մինչև 2021 թվականի հունիսը և այդ հիման վրա հատվածի վերաբերյալ կանխատեսումը բարելավել է՝ փոխելով «բացասականից» «կայունի»: Այդ մասին ասված է գործակալության նյութերում:
Վերլուծաբանների կարծիքով՝ հատվածի վերականգնումն ակնկալվում է մինչև 2021 թվականի հունիսը, բայց միջին գները և պահանջարկը ցածր կմնան մինչճգնաժամային մակարդակից:
Այսպես, երկրորդ եռամսյակի նվազագույններից վերականգնումից հետո 2021 թվականին նավթի միջին գները կմնան մեկ բարելի դիմաց 40-ից մինչեւ 45 դոլարի մակարդակում, ինչը ցածր է մինչև համավարկը նշված ցուցանիշներից, կարծում է Moody՚s-ը: Թեև վերամշակման հատվածը կշահի նավթամթերքների պահանջարկի աճից երկրորդ եռամսյակում դանդաղումից հետո, պահանջարկը կմնա ավելի թույլ, քան 2019 թվականին, նշված է նյութերում:
Ըստ որում, փորձագետների գնահատմամբ՝ առաջիկա 12 ամսում ճյուղը հազիվ թե վերադառնա ազատ դրական դրամական հոսքի, իսկ նավթի գնի պահպանումը մեկ բարելի դիմաց 40 – 45 դոլարի մակարդակում կհանգեցնի այն բանին, որ 2021 թվականին ընկերությունների կապիտալ ծախսերը կշարունակեն կրճատվել 2020 թվականին զգալի նվազումից հետո: