Հաքերները միացված Bluetooth-ի միջոցով կարող են գողանալ տվյալները

Միշտ միացված Bluetooth-ը ոչ միայն ավելի արագ է լիցքաթափում սմարթֆոնի մարտկոցը, այլեւ կարող է սարքի հիշողության մեջ պահված ձեր անձնական տվյալների բանալին դառնալ հաքերների ձեռքում, «Փրայմ» գործակալությանը պատմել է Պլեխանովի անվան տնտեսագիտական համալսարանի պրոֆեսոր Ալեքսանդր Տիմոֆեեւը։

«Bluetooth-ը կոտրելու հնարավորությունը կարող է վտանգի ենթարկել սարքում պահված ցանկացած տեղեկատվություն (լուսանկարներ, էլեկտրոնային նամակներ, տեքստեր): Բացի այդ, չարագործը կկարողանա վերահսկողություն հաստատել սարքի վրա եւ անցանկալի տվյալներ ուղարկել նրան»,- զգուշացրել է նա:

Նիդեռլանդներում What The Hack հաքերային փառատոնում Trifinite խմբի մասնագետները ցույց են տվել, թե ինչպես Linux նոթբուքի, հատուկ ծրագրի եւ ուղղորդված ալեհավաքի օգնությամբ կարելի է գաղտնալսել, թե Bluetooth ականջակալով ինչի մասին է խոսում անցնող մեքենայի վարորդը, հիշեցրել է Տիմոֆեեւը:

Այն, որ հաքերները կարող են կառավարել ձեր հեռախոսը եւ մուտք ունենալ դեպի հիշողության քարտի տվյալները, կարող է տեսանելի լինել: Վառ օրինակը համակարգչային մկնիկն է, որը Bluetooth-ով միացված է սարքին:

Փորձագետը խորհուրդ է տալիս Bluetooth-ը նպատակային օգտագործելուց հետո անմիջապես անջատել այն, քանի որ միշտ միացվածը կարող են օգտագործել հաքերները։

Հետևեք մեզ Telegram-ում