Գերմանիայի ԱԳՆ ղեկավարը Պոմպեոյի հետ քննարկել է «Հյուսիսային հոսք-2»-ի հետ կապված պատժամիջոցներ սահմանելու սպառնալիքները
Գերմանիայի ԱԳՆ ղեկավար Հայկո Մաասը հայտարարել է, որ անձամբ կապ է հաստատել ԱՄՆ պետքարտուղար Մայք Պոմպեոյի հետ, որպեսզի քննարկի «Հյուսիսային հոսք-2» նախագծում մասնակության համար պատժամիջոցներ սահմանելու սպառնալիքները, հաղորդում է AP-ը:
Մաասը հայտնել է, որ զանգել է Պոմպեոյին, որպեսզի քննարկի նամակը, որն անցած շաբաթ ուղարկել են Թեդ Քրուզը, Թոմ Քոթթոնը եւ Ռոն Ջոնսոնը: Նամակն ուղղված էր Faehrhafen Sassnitz GmbH ընկերությանը՝ Մուկրան նավահանգստի օպերատորին:
Նա զրույցի այլ մանրամասներ չի հայտնել:
Նավահանգիստը առանցքային կետ է նավերի համար, որոնք մասնակցում են գազամուղի կառուցման նախագծին, որով բնական գազ է մատակարարվելու Ռուսաստանից դեպի Գերմանիա:
ԱՄՆ-ում պնդում են, որ նախագիծը սպառնալիքի տակ է դնում եվրոպական անվտանգությունը:
Նամակում սենատորները նշում են, որ դա պաշտոնական ծանուցում է այն մասին, որ օպերատորը, տնօրենների խորհրդի անդամները, կորպորատիվ պաշտոնական անձինք, բաժնետերերն ու աշխատակիցները գտնվում են իրավաբանական եւ տնտեսական պատժամիջոցների տակ հայտնվելու ռիսկի տակ, եթե չդադարեցնեն նախագծի համար ծառայությունները:
Գերմանիայի կանցլեր Անգելա Մերկելի ներկայացուցիչ Շտեֆան Զայբերտն ավելի վաղ ասել է, որ Գերմանիան դեմ է Անցած ամիս Մերկելը հայտարարել է, որ «էքստերիտորիալ պատժամիջոցներին»: «Գերմանիայի կառավարությունն աջակցում է ընկերություններին, որոնք պատժամիջոցներ են սպառնում»,-ասել է նա: