Մինսկում տեղի ունեցած իրադարձությունների փաստով քրեական գործեր են հարուցվել
Ոստիկանության նկատմամբ զանգվածային անկարգությունների եւ բռնության կապակցությամբ քրեական գործեր են հարուցվել, հայտարարել է Բելառուսի Քննչական կոմիտեի նախագահ Իվան Նոսկևիչը, փոխանցում է Sputnik-Բոլառուս-ը:
«Քննչական կոմիտեն քրեական գործեր է հարուցել ներքին գործերի մարմինների աշխատակիցների նկատմամբ անկարգությունների եւ բռնությունների փաստերի առթիվ: Այսօր երեկոյան նրանք տեղի են ունեցել Մինսկ քաղաքում եւ երկրի մի շարք այլ շրջաններում»,- Նոսկեւիչի հայտարարությունը մեջբերում է ԲելՏա պետական գործակալությունը:
Քննչական կոմիտեի ղեկավարը հայտարարել է, որ անկարգություններին մասնակիցներին սպառնում է մինչեւ 8 եւ 15 տարվա ազատազրկում:
Ըստ Նոսկեւիչի` «բոլոր անօրինական գործողություններն ուղեկցվել են ոստիկանության աշխատակիցների նկատմամբ բռնություններով, որոնցից տասնյակ մարդիկ վիրավորվել են»:
Նա նշել է, որ իրավախախտումներն ուղեկցվել են գույքի ոչնչացմամբ, դիմադրությամբ իշխանությունների ներկայացուցիչներին, իրավապահ մարմինների աշխատակիցների կողմից ստուգումների ընթացքում որպես զենք գրանցվել են աղբարկղեր, նստարաններ, ձողեր, ճարմանդաքարեր, ապակե շշեր եւ դյուրավառվող հեղուկներ:
«Ներկայումս դեպքի վայրում աշխատում է ավելի քան 100 քննիչ»,- ասել է քննչական կոմիտեի ղեկավարը:
Ըստ Քննչական կոմիտեի ղեկավարի` «կասկածյալներից եւ արդեն ձերբակալվածներից շատերն ալկոհոլային հարբածության վիճակում են»: Առգրավվել են տեսախցիկների ձայնագրությունները: Հայտնաբերվել եւ շարունակում են հայտնաբերվել անկարգություններին մասնակցած անձինք: Նրանց գործողություններին կտրվի համապատասխան իրավական գնահատական, ասել է ՔԿ-ի ղեկավարը:
Զանգվածային անկարգություններ կազմակերպելու եւ դրանց մասնակցության փաստերով քրեական գործեր են հարուցվել Բելառուսի քրեական օրենսգրքի 293-րդ հոդվածի տարբեր մասերով:
«Պատասխանատվությունն այս գործողությունների համար համապատասխանաբար մինչեւ 8 եւ 15 տարվա ազատազրկումն է»,- ասել է Նոսկեւիչը: