Բրազիլիան կորոնավիրուսի դեմ պատվաստանյութի փորձարկման համար պոլիգոն կդառնա. Հետազոտողները հույս ունեն արդյունքներ ստանալ մինչև նոյեմբեր

Բրազիլիան կորոնավիրուսի դեմ պատվաստանյութի փորձարկման համար պոլիգոն կդառնա, գրում է AFP-ը:

Կորոնավիրուսը շարունակվում է տարածվել Բրազիլիայում:

Բրազիլիան հայտնի է պատվաստանյութերի ոլորտում իր փորձով եւ համարվում է դեղին տենդի դեմ պատվաստանյութի համաշխարհային հիմնական արտադրող:

Կորոնավիրուսի դեմ պատվաստանյութի հարցով երկու առաջատար ծրագրերի առաջնորդներն են Օքսֆորդի համալսարանը AstraZeneca լաբորատորիաների հետ համագործակցությամբ եւ չինական Sinovac ընկերությունը, որոնք հասել են փորձարկման 3-րդ փուլին, որից հետո կհաստատվի դեղամիջոցը:

«Բրազիլիան լավ պոլիգոն կլինի փորձարկումների համար, քանի որ այնտեղ դեռ տարածվում է վիրուսը»,-ասել FIOCRUZ հետազոտական կազմակերպության հետազոտող Մարգարեթ Դալկոմոն:

Հետազոտողները հույս ունեն արդյունքներ ստանալ մինչև նոյեմբեր:

Փորձարկումների երրորդ փուլը սկսվել էր հունիսին Բրազիլիայում, ինչպես նաեւ Մեծ Բրիտանիայում եւ Հարավային Կորեայում, եւ եթե թեստերը համոզիչ լինեն, պատվաստանյութը կարող է գրանցվել Մեծ Բրիտանիայում մինչ եւ տարեվերջ եւ այլ երկրներում, ներառյալ Բրազիլիայում, 2021 թվականի սկզբին:

Օքսֆորիդ համալսարանի եւ AstraZeneca-ի հետ համաձայնագրի շրջանակում Բրազիլիայի կառավարությունը 127 մլն դոլար է ներդնում, որպեսզի FIOCRUZ-ը գնի տեխնոլոգիաները եւ 30,4 մլն դեղաբաժնով նախնական արտադրության համար սարքավորումները:

Եթե պավաստանյութն անցնի կլինիկական փորձարկումները, ապա Բրազիլիան իրավունք կստանա 70 մլն հավելյալ դեղաբաժին արտադրել յուրաքանչյուրը 2,30 դոլարով:

Միեւնույն ժամանակ, Սան Պաուլուի կառավարությունը հուլիսի 20-ից կսկսի 9000 կամավորների վրա փորձարկել Sinovac-ի պատվաստանյութը: