Բայդենը հայտարարել է, որ ԱՄՆ-ում 120 միլիոն մարդ կորոնավիրուսի զոհ է դարձել
ԱՄՆ նախկին փոխնախագահ Ջոզեֆ Բայդենը հայտարարել է, որ ԱՄՆ-ում ավելի քան 120 միլիոն մարդ մահացել է կորոնավիրուսից: Այդ մասին հայտնում է Fox News ը:
Նա հայտարարություն է արել հունիսի 25-ին Փենսիլվանիայում: Իր խոսքում նա նաև նշել է, որ ամերիկացիներն աշխատանք չունեն, նրանք չգիտեն, թե ուր են գնան և ինչ անեն:
Այս հայտարարությանը արձագանքել է Միացյալ Նահանգների գործող նախագահ Դոնալդ Թրամփը: Instagram-ի իր էջում ԱՄՆ ղեկավարը գրել է, որ ինքը ԶԼՄ-ներում սուր քննադատության կարժանանար, եթե նման բան ասեր: Թրամփը նաև Բայդենի այս հայտարարությունը անվանել է «ճնշող հիմարություն»:
Հիշեցնենք, որ ԱՄՆ նախագահի ընտրությունը պետք է տեղի ունենա այս տարվա նոյեմբերի 3-ին: Հիմնական թեկնածուներն են ԱՄՆ ներկայիս հանրապետական առաջնորդ Դոնալդ Թրամփը և ԱՄՆ նախկին փոխնախագահ դեմոկրատ Ջո Բայդենը: