Իսպանիայի էկոնոմիկայի նախարար Նադիա Կալվինյոն Եվրախմբի նախագահի պաշտոնի հիմնական թեկնածուն է. Առաջին անգամ է այդ պաշտոնին կին ընտրվելու
Իսպանիայի էկոնոմիկայի նախարար Նադիա Կալվինյոն Եվրախմբի նախագահի պաշտոնի հիմնական թեկնածուն է։ Նրա թեկնածությունը պաշտոնապես առաջադրել է Մադրիդը, հայտնում է Euronews-ը։
Երկշաբաթյա մրցավազքում հաղթանակի դեպքում 51-ամյա Կալվինյոն, ով մասնագիտությամբ տնտեսագետ է, չորս զավակների մայր է, կանանցից առաջինը կգլխավորի ընդհանուր արժույթով երկրների ֆինանսների նախարարների կազմակերպությունը։ Նա անկուսակցական է՝ սոցիալիստների կառավարությունում։
Իսպանուհու մրցակիցը Իռլանդիայի ֆինանսների նախարար Պասկալ Դոնոխյուն է։ Այս լիբերալ-պահպանողականը համարվում է առավել փոխզիջումային թեկնածու, քանի որ ներկայացնում է եվրոգոտում չափերով, հարստությամբ եւ ազդեցությամբ միջին երկիր։ Բարձր գնահատական են ստացել Դոնոխյուի գործողությունները կորոնավիրուսի բռնկման ընթացքում։
Լյուքսեմբուրգի ֆինանսների հեղինակավոր նախարար Պիեռ Գրամենյան նույնպես հավակնում է այս պաշտոնին։
Պաշտոնը թափուր է դառնում այն բանից հետո, երբ պորտուգալացի Մարիու Սենետենուն որոշեց չմնալ այնտեղ երկրորդ երկամյա ժամկետում։ Նրա հաջորդը ստիպված կլինի կարեւոր դեր խաղալ վարակի ճգնաժամից հետո Եվրամիության տնտեսությունը վերականգնելու քաղաքականության մշակման հարցում։