Ադրբեջանցի բլոգերը ռազմավարական օբյեկտի լուսանկար է հրապարել որպես պետական սահմանապահ ծառայության պետի վիլլա
Ադրբեջանի սահմաններից դուրս բնակվող բլոգեր Հաբիբ Մունթազիրը տարածել է Նովխանա գյուղի մոտ տեղակայված խոշոր օբյեկտի արբանյակային լուսանկարը:
Ադրբեջանական լրատվամիջոցները հայտնում են, թե հրապարակման մեջ նշվել է, որ դա պետական սահմանապահ ծառայության պետ, գեներալ-գնդապետ Էլչին Գուլիեւի վիլլան է: Օբյեկտի տարբերակիչ առանձնահատկությունն է այնտեղ գտնվող մեծ արհեստական լճակը, որի ափի ուրվագիծը կրկնում է Կասպից ծովի քարտեզի ուվագծերը:
Օբյեկտի չափերը, որի մակերեսը, տարբեր հաշվարկերով, հասնում է 200 հա-ի, իսկապես երեւակայությունը ցնցում է:
Haqqin.az-ը մեկնաբանություն ստանալու խնդրանքով դիմել է Նովխանայի գործադիր իշխանությանը: Այնտեղից նշել են, որ քարտեզի վրա նշված տեղանքը պետական նշանակության օբյեկտ է: Եվ գեներալ-գնդապետ Էլչին Գուլիեւի հետ ոչ մի կապ չունի: Նշված պետական օբյեկտում գործում է երկու ուղղաթիռային հարթակ, ավտոմեքենաների կայանման մեծ համալիր, վարչական շենք: Պարզվել է, որ Էլչին Գուլիեւը Նովխանա գյուղում ամառանոցային հողամաս ունի: Սակայն նշված ռազմավարական օբյեկտը պետության սեփականությունն է: