Մենք չունենք անկախ պատգամավոր հասկացություն մեր Սահմանադրությամբ. Ֆելիքս Թոխյան
Այսօր պետք է 1,3-րդ լինի ընդդիմություն, այսօր 1,3-րդ էլ չունեն. կուսակցությունները չունեն այդ թիվը, պետք է միավորվեն դառնան 27 հոգի որ գան ՍԴ։ Այս մասին, այսօր՝ հունիսի 23-ին ՍԴ-ի դիմաց լրագրողների հետ զրույցում նշեց ՍԴ անդամ Ֆելիքս Թոխյանը՝ անդրադառնալով ԱԺ-ի կողմից սահմանադրական փոփոխությունների որոշմանը:
«Ոչ մեկը կառչած չէ աթոռից, երեք բուհից աշխատելու առաջարկ ունեմ։ Բայց խնդիրն այն է, որ ամեն ինչ անենք սահմանադրական ուղիով, ոչ հապճեպ։ Վենետիկցիներն ասել են՝ 12 տարի եք ուզում, եղավ, անցումային շրջան տուր այդ մարդկանց։ Այն մասը, որն իրենց պետք է, ընդունել են, որ մասն իրենց ձեռնտու չէ, ասում են»,- ասաց ՍԴ անդամը։
Թոխյանի խոսքով՝ շատ թերություններ գալիս են այս Սահմանադրությունից։
ՍԴ անդամը հայտնեց, որ 2015 թվականից դեմ է եկել կոնկրետ մի քանի կետի. «Դեմ եմ եղել խորհրդարանական համակարգին, քանի որ մենք չունենք կայացած կուսակցություններ։ Հայաստանի կուսակցությունների վարկանիշը, վերջին հարցմամբ 1,7 տոկոս է։ ՍԴ-ն ունի 40 տոկոս, դատախազությունը՝ 38 տոկոս, դատարանները՝ 36 տոկոս։ Հլա մեզ էլ ասում են՝ վստահություն չունեք, լեգիտիմ չեն։ Այդ ի՞նչ հեքիաթ է։ Լեգիտիմություն բառն օգտագործվում է քաղաքական իշխանությունների մարմինների դեպքում։ Ի՞նչ ասես այս մարդկանց, որոնք չեն հասկանում, թե ինչ է նշանակում լեգիտիմ»։
Նա նշեց, որ Սահմանադրությամբ ցանկացած կուսակցության տրված չի իրավունք՝ դիմելու ՍԴ՝ անդրադառնալով ԲՀԿ-ի նախաձեռնած ստորագրահավաքին՝ ՍԴ դիմելու համար. «Մենք չունենք անկախ պատգամավոր հասկացություն մեր Սահմանադրությամբ։ Այսօր պետք է 1,3-րդ լինի ընդդիմություն, այսօր 1,3-րդ էլ չունեն։ Կուսակցությունները չունեն, պետք է միավորվեն դառնան 27 հոգի, թե ինչպես կանեն՝ չգիտեմ։ Ոչ մի կուսակցություն առանձին չունի այդ իրավունքը, բայց միավորվելով իրենք կարող են գալ ՍԴ։ Միայն մեկ կուսակցություն չունի, դա էլ ցավալին»։