на Русском
Արկադի Դումիկյանը ներկայացրել է իր նոր՝ «Դուդ... 
Հրդեհ՝ Սիլիկյան թաղամասում 
Իրավապաշտպան. ՀՀ իշխանություններն իրավական գրագիտության ցածր մակարդակ են դրսևորում
Որքան էլ իշխանությունները պնդեն, որ իշխանությունը ժողովրդին է պատկանում, փաստն այն է, որ գործողությունների համար պատասխանատու են կոնկրետ անձինք: Այս մասին «Պոլիտէկոնոմիա» ինստիտուտի կազմակերպած քննարկման ժամանակ հայտարարեց իրավապաշտպան Ռուբեն Մելիքյանը:
Խոսելով միայնակ բողոքի ակցիա անցկացնելուց հետո իր բերման ենթարկման մասին՝ Ռուբեն Մելիքյանը նշեց, որ բաց է մնում հարցը, թե արդյո՞ք դա կարելի է հավաք անվանել: Եթե այո, ապա արդյո՞ք դա անօրինական էր:
«Ենթադրենք դա հավաք էր եւ անօրինական: Ի՞նչ իրավունքներ ունի պետությունը: Երեկ եւ այսօր քաղաքական բնույթի հավաքներ են անցկացվել: Ոստիկանությունն ի պատասխան քայլեր է ձեռնարկել: Ես գտա 2015 թվականի տեսագրություն, որում մի մարդ՝ խիստ նման Նիկոլ Փաշինյանին, միգուցե դա ինքն էր, հայտարարում է, որ եթե հավաքը խաղաղ բնույթ է կրում, ապա ոստիկանությունը պարտավոր է ապահովել դրա անցկացումը: Ես շնորհակալ եմ Նիկոլ Փաշինյանին, որ հեռավոր 2015-ից աջակցում է մեզ: Հանդուրժողականության սկզբունքն ասում է, որ եթե հավաքը խաղաղ է, ապա պետությունն իրավունք չունի բռնություն կիրառել: Ռուբեն Մելիքյանը նշեց, որ ոստիկանության գործողություններն էլ ավելի են խորացնում համաճարակը: Նրա խոսքով՝ վերջին հավաքների մասնակիցները ֆանտաստիկ կարգապահ էին՝ չնայած ոստիկանության սադրանքներին: Կորոնավիրուսի պայմաններում պետք է պահպանել սոցիալական հեռավարությունը, սակայն օրինակ ԱԱԾ շենքի դիմաց մարդկանց տարածք չեն տվել: Դա պետության պարտավորությունն էր»,-նշեց նա:
Անդրադառնալով անձը հաստատող փաստաթուղթ ունենալու պարտավորության մասին պարետի վերջին որոշմանը՝ Մելիքյանը նկատեց, որ Սահմանդրությունն ասում է, որ նորմատիվ ակտերը կարող են ընդունել Սահմանադրությամբ նախատեսված մարմինները, իսկ պարետատունն այդ թվում չի նշվում: Այդ առումով իրավապաշտպանը նշեց իշխանությունների իրավական գրագիտության ցածր մակարդակը:
«Երբ ասում են, որ աշխարհում պանդեմիա է եւ մենք պատասխանատվություն չենք կրում դրա ծագման համար, դա ճիշտ է: Սակայն պետությունների ղեկավարներն են պատասխանատու պանդեմիայի վերաբերյալ արձագանքի համար՝ կանխարգելումից մինչեւ դրա հետեւանքների վերացում»,-հավելեց Մելիքյանը՝ հիշեցնելով մարդու իրավունքների հարցով Եվրոպական կոնվենցիայի հոդվածը, որը վերաբերում է կյանքի իրավունքին: Հոդվածի համաձայն՝ իրավունքի իրականացման ասպեկտներից մեկն է առողջապահական համակարգն ու առողջապահական համակարգում մարդկանց մահվան պատճառների հետաքննությունը:
