Բելգիայի արքայազն Իոահիմի մոտ կորոնավիրուս է հայտնաբերվել Իսպանիայում կայացած երեկույթին այցելելուց հետո
Բելգիայի թագավորի զարմիկ, արքայազն Իոահիմ Բելգիացու մոտ ախտորոշվել է կորոնավիրուս Իսպանիայում կայացած երեկույթն այցելելուց հետո, հաղորդում է Reuters-ը։
Ըստ իսպանական ԶԼՄ-ների հրապարակումների՝ երեկույթի մասնակիցները խախտել են կարանտինի կանոնները, քանի որ հավաքված մարդկանց թիվը գերազանցել է նորման։
28-ամյա արքայազնն այցելել է երեկույթը մայիսի 25-ին, տեղեկացրել է Բելգիայի թագավորական պալատի մամուլի ծառայությունը։
Նշվում է, որ արքայազնը մեկնել է Իսպանիա Բելգիայից ուսումնական պրակտիկայի համար եւ դեռեւս գտնվում է Իսպանիայում։
El Pais իսպանական թերթը գրել է, որ երեկույթին մասնակցել է եւս 26 մարդ։
Ընդ որում՝ համաձայն տեղի կարանտինային կանոնների՝ թույլատրվում են մինչեւ 15-հոգանոց հավաքները։ Երեկույթի բոլոր մասնակիցներն այժմ գտնվում են կարանտինում։
Իսպանիայի կառավարության ներկայացուցիչն անվանել է մասնակցությունը երեկույթին «ամբողջովին անպատասխանատու» եւ հայտարարել, որ դա կարող էր հանգեցնել վարակի նոր ալիքի եւ, որպես հետեւանք, կարանտինի պայմանների հերթական խստացման։