Հայաստանի իշխանությունները ցանկանում են համամասնական ընտրակարգ պարտադրել գրեթե բոլոր նախկին շրջկենտրոններում

Հայաստանում տեղական ինքնակառավարման մարմինների ընտրություններն անցկացվելու են մեծամասնական կամ համամասնականի համակարգով: Այս մասին մայիսի 26-ին ՀՀ Ազգային ժողովի նիստին Ընտրական օրենսգրքում փոփոխություններ եւ լրացումներ կատարելու մասին օրենքների նախագծերի փաթեթի քննարկման ժամանակ հայտարարեց ՀՀ տարածքային կառավարման եւ ենթակառուցվածքների նախարար Սուրեն Պապիկյանը:

Այդպես, համայնքի ղեկավարի ընտրության համար մեծամասնական համակարգի համաձայն ընտրությունների դեպքում դրա տարածքում մեծամասնական ընտրատարածք կձեւավորվի: «Իսկ համամասնական ընտրակարգի դեպքում ավագանու ընտրությունները կանցկացվեն համամասնական համակարգով: Ընտրությունների ընթացքում յուրաքանչյուր համայնքի համար միասնական ընտրատարածքներ կստեղծվեն»,- պարզաբանեց Պապիկյանը:

Մինչեւ 4000 ընտրող ունեցող համայնքներում (բացառությամբ խոշորացված համայնքների) ղեկավարների եւ ավագանու ընտրությունները կանցկացվեն մեծամասնական համակարգի համաձայն: Ընդ որում, ավելի քան 4000 ընտրող ունեցող համայնքներում, ինչպես նաեւ խոշորացված համայնքներում, ավագանու ընտրություններ կանցկացվեն համամասնական ընտրակարգով: Եթե ​​համայնքը մինչեւ 1000 մարդ բնակչություն ունի, ապա ավագանու խորհրդում պետք է 5 անդամ լինի, եթե 1.001-ից մինչեւ 2000 ընտրող՝ 7 անդամ, 2001-ից 4000 ընտրող՝ 9 անդամ, 4.001-ից մինչեւ 10.000 ընտրող՝ 15 անդամ, 10.001-ից 25.000 ընտրող՝ 21 անդամ, ավելի քան 25. 000 հազար ընտրողի դեպքում՝ 33 անդամ: Երեւանի ավագանու անդամների թիվը կմնա անփոփոխ՝ 65:

Մինչեւ 500 ընտրող ունեցող համայնքի դեպքում թեկնածուները ստիպված չեն լինի գրավ վճարել ընտրություններին մասնակցելու համար, ինչպես մյուս համայնքներում: Միեւնույն ժամանակ, 501-ից մինչեւ 1000 ընտրող ունեցող համայնքներում համայնքների ղեկավարների թեկնածուները ստիպված են կլինեն 50.000 դրամ գավ վճարել, իսկ ավագանու անդամ դառնալ ցանկացողները՝ 10 000 դրամ: 1.001-ից մինչեւ 4000 ընտրող ունեցող համայնքների դեպքում ղեկավարի պաշտոնի համար առաջադրված թեկնածուն ստիպված է լինելու նախընտրական գրավ վճարել 100000 դրամի չափով, իսկ ավագանու անդամ դառնալ ցանկացողները՝ 15 000 դրամ: