на Русском
Կիրանցում բնակիչները շրջափակել են Ռազմական ոս... 
Պատգամավոր Գառնիկ Դանիելյանը դուրս է եկել հիվ... 
Հայցում եմ քաղաքացիների ներողամտությունը․ Մակունցը՝ Արցախում խնջուքին առանց դիմակ մասնակցելու մասին
Այս պահին կարծում եմ չարժե կենտրոնանալ, թե օրենքի, որ տառն ինչ է ասում, կա արտակարգ դրություն ՀՀ-ում, կան թվեր, որ մտահոգիչ են բոլորիս համար եւ բոլորիս ուշադրությունը պետք է սեւեռված լինի հենց այդ հանգամանքի վրա։ Այս մասին այսօր՝ մայիսի 26-ին, ԱԺ-ում լրագրողների հետ ճապազրույցի ժամանակ ասաց «Իմ քայլը» խմբակցության պատգամավոր Լիլիթ Մակունցը՝ անդրադառնալով ԱԺ նախագահ Արարտ Միրզոյանի հայտարարությանը, որ եթե պատգամավորները նիստերի դահլիճում դիմակ չկրեն, դուրս կհրավիրվեն, եր դրան հաջորդած «Լուսավոր Հայաստան» խմբակցության ղեկավար Էդմոն Մարուքյանի ելույթին, որ օրենքով պատգամավորներին չեն կարող դիմակ չկրելու համար դուրս հրավիրել։
«Պատգամավոր իրավաբաններից մեկն էլ այլ դրույթներ վկայակոչեց ԱԺ կանոնակարգ օրենքից։ Եթե մենք կարողանում ենք մեր վարքագծով օրինակ ծառայել ՀՀ քաղաքացիների համար, ինչպես նաեւ չվտանգել մեր գործընկերների, ԱԺ աշխատակազմի առողջությունը եւ կյանքը, ուրեմն դա պետք է արվի։ Բնականաբար միջոցներ պետք է ձեռնարկվեն եւ ԱԺ նախագահն այդ միջոցները կիրառելով փորձում է կանխել նման երեւույթները»,- ասաց պատգամավորը:
Լրագրողների այն դիտարկմանը, որ օրեր առաջ Արցախի նախագահի երդմնակալության արարաողությանն հաջորդած խնջույքի ժամանակ ՀՀ-ից ժամանած պաշտոնյանմերը ոչ սոցիալական հեռավորություն են պահել, ոչ էլ դիմակներ են կրել, Մակունցը պատասխանեց․ «Արարողությանը մասնակցելիս դիմակներ չկրելու առումով մենք ընդունել ենք, որ այնուամենայնիվ այո արժեր դիմակներ կրել, ինչի համար անձամբ ես հայցում եմ քաղաքացիների ներողամտությունը, բայց դա որեւէ կերպ չի փոխում ՀՀ –ում գոյություն ունեցող վիճակը»:
