Հրդեհ՝ Հրազդանի կիրճի «Բարդիներ» ռեստորանում. բարդության «1-ԲԻՍ» կանչով դեպքի վայր է մեկնել 4 հաշվարկ
Հայաստանի ԱԻՆ-ում, մայիսի 19-ին, ժամը 22:06-ին Ճգնաժամային կառավարման ազգային կենտրոն ահազանգ է ստացվել, որ Երեւանի Հրազդանի կիրճում՝ «Բարդիներ» ռեստորանի խոհանոցային հատվածից ծուխ է նկատվում։
Հրդեհի բարդության «1-ԲԻՍ» կանչով դեպքի վայր են մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ։
Հրդեհը մեկուսացվել է ժամը 22։38-ին, մարվել՝ 22։56-ին։ Այրվել են տանիքի փայտյա կառուցատարրերը եւ խոհանոցի կախովի առաստաղը՝ մոտ 40 քմ։