Վաշինգտոնի համալսարանի գիտնականները եզրակացության են հանգել, որ COVID-19-ը շատ ավելի մահացու է, քան գրիպը
Վաշինգտոնի համալսարանի գիտնականները եզրակացության են հանգել, որ COVID-19-ը շատ ավելի մահացու է, քան գրիպը: Եթե Միացյալ Նահանգները եւ մյուս երկրները վճռական պայքար չսկսեն կորոնավիրուսի դեմ, մահվան դեպքերը կարող են աղետալի մակարդակի հասնել: Հետազոտողների հոդվածը հրապարակվել է Health Affairs ամսագրում:
Մասնագետները պարզել են, որ ԱՄՆ-ում կորոնավիրուսից մահացության մակարդակը 1.3 տոկոս է կազմում, մինչդեռ սեզոնային գրիպի նույն ցուցանիշը 0.1 տոկոս է: Այս վիճակագրությունը հիմնված է 33 նահանգի 116 շրջանում կորոնավիրուսով վարակման եւ մահացության տվյալների վրա, փոխանցում է «Լենտա»-ն:
Հետազոտողները կանխատեսում են, որ եթե մինչեւ 2020 թվականը Միացյալ Նահանգներում նույնքան մարդ վարակվի, ինչ 2018-2019 թվականներին գրիպի համաճարակի ժամանակ էր (35.5 միլիոն մարդ), ապա COVID-19-ից կմահանա մոտ 500 հազար մարդ: Ընդ որում, նոր կորոնավիրուսը ավելի վարակիչ է, քան գրիպի վիրուսը: Ըստ ամենալավատեսական կանխատեսման՝ մեկ տարվա ընթացքում վարակվելու ՝ ԱՄՆ բնակչության 20 տոկոսը, իսկ մահացությունների թիվը կարող է 350 հազարից մինչեւ 1.2 միլիոնի հասնել: