Վրաստանում կորոնավիրուսից բուժված մարդկանց թիվը մոտենում է վարակվածների թվին

Վրաստանում կորոնավիրուսից բուժված հիվանդների թիվը մոտենում է հիվանդանոցներում բուժում անցնող հիվանդների թվին, այսօր լրագրողներին հայտնել է Թբիլիսիի ինֆեկցիոն հիվանդանոցի բժշկական տնօրեն Մարինա Էզուգբայան, փոխանցում է News-Georgia-ն:

Այս պահին կորոնավիրուսով հիվանդներին ընդունող հիվանդանոցներում 331 մարդ է բուժվում, իսկ վիրուսից ապաքինված հիվանդների ընդհանուր թիվը 275 է: Վերջին երկու օրվա ընթացքում Վրաստանում առողջացած հիվանդների թիվը գերազանցում է վարակվածների թիվը: Անցած օրվա ընթացքում հայտնաբերվել է կորոնավիրուսով վարակման հինգ նոր դեպք, առողջացել է վեց հիվանդ: «Ես հույս ունեմ, որ այդպես էլ կշարունակվի: Տեսնենք, թե ինչ կլինի, դժվար է կանխատեսել: Եթե մենք բոլորս ճիշտ վարվենք` ամբողջ ուղղահայացը եւ բնակչությունը, ապա հուսով եմ, որ մենք կպահպանենք այս տվյալները, եւ սա նախադրյալ կլինի հաստատապես ասելու, որ մենք կհաղթահարենք համավարակը»,- ասել է Էզուգբայան:

Հայտնի է հինգ նոր դեպքի վարակման աղբյուրը: Երեք նոր հիվանդները հիվանդանոցներ են տեղափոխվել կարանտինային գոտիներից: Նրանց շփումների խորը համաճարակաբանական ուսումնասիրությունը շարունակվում է:

Ներկայումս Թբիլիսիի ինֆեկցիոն հիվանդանոցում բուժում է ստանում կորոնավիրուսով վարակված 47 հիվանդ: Նրանցից մեկի վիճակը շարունակում է ծանր մնալ: Ընդհանուր առմամբ, փետրվարի վերջից այս հիվանդանոցում բուժվել է 79 պացիենտ:

Վախթանգ Բոչորիշվիլիի անվան Թբիլիսիի հիվանդանոցում ներկայումս կորոնավիրուսով վարակված 68 հիվանդ է բուժվում, նրանցից 9-ը հատուկ ուշադրության կարիք ունեն: Մեկ հիվանդ առողջացել է: «Մենք պացիենտներ մեզ մոտ չեն եղել: Վերակենդանացման բաժանմունքից մի հիվանդ տեղափոխվել է հիվանդասենյակ եւ շարունակում է բուժում ստանալ: Ինը հիվանդ հատուկ ուշադրության կարիք ունի, մնացածի վիճակը բավարար է»,- հայտնել է հիվանդանոցի վերահսկիչ խորհրդի ղեկավար Մակա Սոլոլոգաշվիլին: Նրա խոսքով` Կվարելիից շտապօգնության բժիշկը, որի հանձնած կորոնավիրուսի ախտորոշման առաջին թեստի արդյունքները բացասական էին, տեղափոխվել է կարանտինային գոտի:

Փետրվար 26-ից մայիսի 7-ը Վրաստանում կորոնավիրուսով վարակման դեպքերի ընդհանուր թիվը 615 է: Այս պահի դրությամբ առողջացել է ընդամենը 275 մարդ, մահացել է ինը հիվանդ: 4948 մարդ գտնվում է կարանտինում, 491-ը` հիվանդանոցներում: Վրաստանի երեք քաղաքացի բուժման համար տեղափոխվել է այլ երկրներից: