Մեծամորի ԲԿ-ի շենքերից մեկը հատկացվեց Դատաբժշկական գիտագործնական կենտրոնին. Փորձաքննությունների համար էլ Երևան չեն գա
Կառավարությունն իր այսօրվա՝ ապրիլի 30-ի նիստում որոշում կայացրեց թույլատրել «Մեծամորի բժշկական կենտրոն» ՓԲԸ-ին 360․4 քմ շինությամբ լվացքատունը (արժեքը 10 մլն դրամ) վճարել ընկերության կողմից տեղա¬բաշխված` պետությանը պատկանող համապատասխան թվով բաժնետոմսերի` ՀՀ օրենսդրությամբ սահմանված կարգով ձեռքբերման դիմաց:
ՀՀ կողմից ձեռքբերված անշարժ գույքը ամրացնել Արմավիրի մարզպետի աշխատակազմին, ապա անժամկետ և անհատույց օգտագործման իրավունքով ամրացնել Առողջապահության նախարարության «Դատաբժշկական գիտագործնական կենտրոն» պետական ոչ առևտրային կազմակերպությանը:
Որոշման հիմնավորման մեջ նշվում է, որ Արմավիրի մարզում դատաբժշկական փորձաքննությունների լիարժեք և արդյունավետ կազմակերպման համար անհրաժեշտ է առանձին տարածք դատաբժշկական գործունեության համար անհրաժեշտ շենքային պայմաններով։
Նշված նպատակի համար թե աշխարհագրական տեղակայմամբ և թե առկա շենքային պայմաններով առավել նպատակահարմար է գտնվել Մեծամորի ԲԿ սեփականության իրավունքով պատկանող, վերջինիս կողմից ներկայում չօգտագործվող շինություններից մեկը, որը հետագայում շենքային պայմանների բարելավման, տեխնիկական և լաբորատոր միջոցներով հագեցման աշխատանքներից հետո հնարավորություն կընձեռնի լիարժեք կազմակերպելու վերը նշված գործընթացը: