«Որպես երգչուհի գործունեություն ծավալելու մասին երբեք չեմ մտածել». դերասանուհի Ադրիանա Գալստյանը զուգերգով է ներկայացել (Տեսանյութ և լուսանկարներ)

Օրերս դերասանուհի Ադրիանա Գալստյանը զարմացրեց իր հետևորդներին՝ ցուցադրելով վոկալային կարողությունները: Ադրիանան իր էջում տեղադրեց իր և երգիչ Արգամի «Աղոթք» զուգերգը, որը նրա երկրպագուների դրական արձագանքներին արժանացավ:

Դերասանուհու մասնագիտական նոր դրսևորումն անտարբեր չթողեց նաև NEWS.am STYLE-ին: Ադրիանայի հետ զրուցել ենք երաժշտական նախասիրության մասին եւ հետաքրքրվել՝ արդյոք մտադրություն ունի՞ դերասանությանը զուգահեռ զբաղվել նաեւ երգով:

Ադրիանան նախ պատմեց ներկայացված զուգերգի եւ Սանկտ Պետերբուրգում բնակվող երգիչ Արգամի հետ համագործակցության մասին.

«Առաջարկը եղել է հենց Արգամի կողմից: Նա վաղուց ուներ հեղինակած մի երգ եւ մտածում էր, թե ում հետ կարող է իրագործել այդ գաղափարը: Շատ պատահական իմացավ, որ ես կարողանում եմ երգել եւ առաջարկեց զուգերգով հանդես գալ միասին»:

Ադրիանան ու Արգամը երգը կատարում են հայերենով եւ ռուսերենով: Հայերեն տեքստի մի մասի հեղինակը հենց դերասանուհին է: Նա նշում է,- «Ոգեշնչումը ներքին հոգեւոր աշխարհից էր: Հատուկ բառեր չենք մտածել, ներկայացրել ենք այն, ինչ կար մեր ներսում, ինչի մասին ուզում էինք բարձրաձայնել; Իրականում երգը ներկայացնելու հետ կապված այլ գաղափարներ ունեինք, բայց ամեն ինչ որոշվեց, գրեթե, վերջին րոպեին: Մեզ օգնեցին նաեւ շատ հարազատ մարդիկ, եւ արդյունքում ունեցանք կենդանի տեսահոլովակ, որով փորձեցինք փոխել մարդկանց տրամադրությունն այս օրերին»:

Անդրադառնալով իր վոկալային կարողություններին՝ դերասանուհին նշեց.

«Քչերը գիտեին երգելուս կարողության մասին, արձագանքները սպասվածից ավելի դրական էին ու ոգեւորող: Հիմնականում գրում են, որ ավելի շուտ պետք է նման բան անեի: Փոքր տարիքում եմ հաճախել երգի դասընթացների, ունեցել եմ հեղինակային երգեր, նաեւ երգչախմբի անդամ եղել: Պարզապես տարիների ընթացքում այդ ուղղությամբ գործունեությունս ու ակտիվությունս դադարեցրի: Մտածում էի, որ դա նախասիրություն է, եւ այն պետք չէ շարունակել, բայց լսելով ընկերներիս ու հարազատներիս կարծիքը՝ որոշեցի քայլ անել»:

Դերասանուհին նշում է, որ երգչուհու կարիերայով զբաղվելու լուրջ մտադրություններ առայժմ չունի.

Առավել մանրամասն՝ սկզբնաղբյուրում: