Նախագծում հիմնավորում չկա, թե ինչպիսի գործնական նշանակություն ունի հեռախոսային խոսակցության տևողությունը, որպես համաճարակի հաղթահարման միջոց. Տիգրան Խաչիկյան
Ինչպիսի՞ գործնական նշանակություն ունի հեռախոսային խոսակցության տևողությունը, որպես համաճարակի հաղթահարման միջոց։ Սա չափազանց կարևոր հարցադրում է, որի մասով ոչ մի հիմնավորում նախագծում առկա չէ։ Այս մասին Tert.am-ի հետ զրույցում ասել է ՀՀ արդարադատության նախկին փոխնախարար Տիգրան Խաչիկյանը՝ անդրադառնալով քաղաքացիների հեռախոսազանգերը ֆիքսելու օրինագծին։
«Ինչի համար է անհրաժեշտ հեռախոսային խոսակցության տևողության հարցը ներառել, որպես հրապարակման ենթակա տվյալ։ Որևէ կերպ չեմ կարողանում հասկանալ այս տեղեկատվության գործնական նշանակությունը համաճարակի հաղթահարման տեսակետից։ Եթե ինչ-որ տեղ տրամաբանության շրջանակներում տեղավորվում է՝ ում կատարեց զանգ, երբ կատարվեց, ապա տևողությունը, ինչպես նաև բժշկական գաղտնիք համարվող տվյալների անսահմանափակ շրջանակն այլ մարդկանց փոխանցելու օրենսդրական հնարավորությունը, լրացուցիչ հիմնավորման անհրաժեշտություն ունեն»,- նշեց Տիգրան Խաչիկյանը։
Հիշեցնենք, որ ԱԺ-ն այսօր առաջին ընթերցմամբ ընդունեց «Արտակարգ դրության իրավական ռեժիմի մասին» օրենքում լրացումներ կատարելու մասին և «Էլեկտրոնային հաղորդակցության մասին» օրենքում լրացում կատարելու մասին օրինագծերի փաթեթը, որով ՀՀ-ում համաճարակի հետևանքով առաջացած արտակարգ դրության ժամանակ մարդկանց անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության, գաղտնիության իրավունքներին միջամտություն իրականացնելու հնարավորություն է տրվում: Ըստ պարետ Տիգրան Ավինյանի՝ սա թույլ է տալու օնլայն ռեժիմով տեղեկություն ստանալ այն անձանց շփման շրջանակի վերաբերյալ, որոնց մոտ արդեն իսկ հաստատված է կորոնավիրուսի վարակը:
Տիգրան Խաչիկյանի խոսքով՝ նախագծի գաղափարը, տրամաբանությունը հետևյալն է՝ արտակարգ իրավիճակ, արտակարգ լուծումներ։ Սակայն, ըստ նրա՝ խնդիրներ կան, մասնավորապես, որ նախագծում ներառված մի քանի հասկացություններ իրավական որոշակիության սկզբունքի հետ կապված խնդիրներ են առաջացնում։
«Նախագիծը հնարավորություն է տալիս հաճախորդի տեղորոշմանը, անձնական կյանքին վերաբերող տվյալները հայտնի դարձնելու նաև 3-րդ անձանց, բայց թե ինչպիսի չափանիշներով պետք է այդ անձանց հայտնի դարձվեն տեղեկությունները, սա դարձյալ նախագծով կարգավորված չէ։ 3-րդ անձանց չափանիշները եթե չեն առարկայացվում օրենքի նախագծով, ապա մտավախություն միանշանակ կա, որ առնվազն հանրայնացման մակարդակը դրանց շեշտակի աճում է։ Մենք ամեն ինչ թողնում ենք իրավակիրառողի հույսին»,- նկատեց նա։
Արդարադատության նախկին փոխնախարարը խնդիր է տեսնում նաև բժշկական գաղտնիքի մասով։ Այն տվյալները, որոնց 3-րդ անձինք ունեն հասանելիություն, ներառում է նաև բժշկական գաղտնիք հանդիսացող տվյալները․ «Շատ կարևոր է հասկանալ, այս տվյալների ամբողջ հանրագումարը մենք դարձնում ենք հանրային սեփականությո՞ւն, եթե այո, ապա դա՞ է համաչափ այս իրավիճակում համաճարակի հաղթահարման տեսակետից»։
Տիգրան Խաչիկյանը նկատում է, որ նախագծի ընդունմամբ քաղաքացիների իրավունքների սահմանափակման մեծ հնարավորություններ են ստեղծվում միայն Կառավարության որոշմամբ։
«Նախագիծն ընթերցելիս՝ տպավորություն է, որ մենք հիմքեր ենք ստեղծում, որ Կառավարությունն ընդունի այս հարցի կապակցությամբ որոշում ամեն ինչի մասին։ ԱԺ-ն օրենսդրական հիմքեր է ստեղծում Կառավարության համար արտակարգ դրության մասին որոշման բովանդակության մեջ ներառելու սկզբունքորեն իրավունքի ցանկացած սահմանափակում»,- ասաց նա։
Թեև վերը թվարկված նկատառումներն առաջին հայացքից խնդրահարույց են անձի իրավունքների, օրինական շահերի պաշտպանության տեսանկյունից, այնուամենայնիվ, Տիգրան Խաչիկյանը կարծում է, որ նախագծում առկա խնդիրները շտկվող են․ «Ամեն ինչ չպետք է դիտարկել խիստ հակադիր մոտեցման մեջ։ Չպետք է ամեն ինչ սևացնել, ասել՝ բացարձակ անիմաստ է, դրա անհրաժետությունն ընդհանրապես չկա»։
ԼՐԱՀՈՍ
21:58 • 30/03
Նախագծում հիմնավորում չկա, թե ինչպիսի գործնական նշանակություն ունի հեռախոսային խոսակցության տևողությունը, որպես համաճարակի հաղթահարման միջոց. Տիգրան Խաչիկյան
21:57 • 30/03
Համացանցի օգտատերերին տպավորել է Toyota Land Cruiser-ի փայտյա տարբերակը (տեսանյութ)
youtube subscribe
21:40 • 30/03
Իտալիայում կորոնավիրուսով վարակվածների թիվը գերազանցել է 100 000-ը՝ մեկ օրում վարակման նոր դեպքերի նվազագույն և ապաքինվածների առավելագույն ցուցանիշ գրանցելով. CNN
21:39 • 30/03
Լևոն Արոնյանի կնոջ առողջական վիճակը վատացել է
21:35 • 30/03
Հակառակորդը Տավուշում դիվերսիոն ներթափանցման փորձ է արել և հետ շպրտվել. հայկական կողմից 2 զինծառայող թեթև վիրավորում է ստացել. ՊՆ
21:32 • 30/03
Երևանի քաղաքապետարանի աշխատակազմի մարտի պարգևավճարները՝ շուրջ 130 միլիոն դրամ, կփոխանցվի համայնքային ենթակայության բուժհիմնարկների աշխատակիցներին. Հայկ Մարության (տեսանյութ)
21:20 • 30/03
Սա աշխարհի վերջը չէ. պետք է պայքարել Կորոնայի տնտեսական ազդեցության դեմ երկու «ձեռքերով». Օհան Բալյան
21:09 • 30/03
Պուտինն ու Թրամփը քննարկել են կորոնավիրուսի համավարակի դեմ պայքարում համագործակցությանն առնչվող հարցերը. Կրեմլ
20:51 • 30/03
Մեսսին և «Բարսելոնայի» մյուս խաղացողները կհրաժարվեն 70% աշխատավարձից կորոնավիրուսի համավարակի ընթացքում. CNN
20:46 • 30/03
Ոսկեվան գյուղում ադրբեջանական գնդակից դպրոցական է բեկորային վիրավորում ստացել. համայնքապետ
20:40 • 30/03
Վրաստանի ողջ տարածքում կարանտինային ռեժիմ է սահմանվում. կարգելվի ավտոբուսների և մետրոյի