Ամենամեծ եկամուտ ունեցած ֆուտբոլիստների հնգյակը
France Football-ը հրապարակել է 2019 թվականի արդյունքներով աշխարհի ամենամեծ եկամուտ ունեցած ֆուտբոլիստների հնգյակը։
Առաջին տեղում է Իսպանիայի չեմպիոն «Բարսելոնայի» արգենտինացի հարձակվող Լիոնել Մեսին, որի վարձատրությունը, բոնուսներն ու այլ եկամուտները կազմել են 131 միլիոն եվրո։
Երկրորդ տեղում է Իտալիայի չեմպիոն Թուրինի «Յուվենտուսի» պորտուգալացի հարձակվող Կրիշտիանու Ռոնալդուն՝ 118 միլիոն եվրո։
Եռյակը եզրափակել է Ֆրանսիայի չեմպիոն ՊՍԺ-ի եւ Բրազիլիայի հավաքականի հարձակվող Նեյմարը՝ 95 միլիոն եվրո։
Հնգյակում են նաեւ Մադրիդի «Ռեալի» ուելսցի հարձակվող Գարեթ Բեյլը (38,7 միլիոն եվրո) եւ «Բարսելոնայի» ֆրանսիացի հարձակվող Անտուան Գրիզմանը (38,5 միլիոն եվրո)։