Օլիմպիական խաղերի անցկացումը հետաձգվել է. Ճապոնիան ևս համաձայնել է
Ճապոնիայի իշխանությունները և 2020 թվականի ամառային Օլիմպիական խաղերի կազմկոմիտեն այսօր՝ մարտի 24-ին Միջազգային օլիմպիական կոմիտեի նախագահ Թոմաս Բախի հետ քննարկել են Տոկիո-2020-ը 1 տարով հետաձգելու հնարավորությունը:
NHK հեռուստաալիքի հաղորդմամբ՝ Ճապոնիան աշխարհում կորոնավիրուսի տարածման պատճառով համաձայնել է հետաձգել Օլիմպիական խաղերի անցկացումը:
Ավելի վաղ Միջազգային օլիմպիական կոմիտեի անդամ, Համաշխարհային հակադոպինգային գործակալության առաջին նախագահ, 78-ամյա Դիք Փաունդը հայտարարել էր, որ 2020թ․ Տոկիոյի Օլիմպիական խաղերը կհետաձգվեն: