Հազվագյուտ բազմաֆունկցիոնալ Apple-1 համակարգիչն այս շաբաթ Բոստոնի աճուրդում վաճառվել է 458 711 դոլարով
Հազվագյուտ բազմաֆունկցիոնալ Apple-1 համակարգիչն այս շաբաթ Բոստոնի աճուրդում վաճառվել է 458 711 դոլարով: Դրա եզակիությունը կայանում է նրանում, որ Apple-1-ը դարձել է առաջին պրոդուկտը, որը ստեղծվել է Apple ապրանքանշի ներքո ընկերության համահիմնադիրներ Սթիվ Ջոբսի եւ Սթիվ Ոզնյակի կողմից, եւ թողարկվել 1976 թվականին, գրում է Planet Today-ը:
Բացի այդ, աճուրդում նաեւ վաճառվել էր Apple-ի ինժեներ-դիզայներ Ջերի Մանոքի կյանքի հավաքածուն:
Հատկապես հետաքրքիր նմուշներից, որոնք տեղ էին գտել դրանում, կարելի է անվանել Սթիվ Ջոբսի կողմից ստորագրված Macintosh PowerBook-ը, որն արդյունքում վաճառվել է 12 671 դոլարով, եւ նեոնային լոգոտիպով Apple-ը՝ 1 915 դոլարով վաճառված:
«Apple-1-ը ոչ միայն վաղ փուլում համակարգչային հրաշալի գյուտ է, այլ նաեւ պրոդուկտ է, որը ստեղծել է ամենաարժեքավոր եւ հաջողված համակարգիչներից մեկն աշխարհում»,-նշել է RR Auction-ի փոխնախագահ Բոբի Լիվինգսթոնը:
Հատկանշական է, որ, ի տարբերություն Apple-ի ժամանակակից առաջարկների, որոնք ամբողջովին պատրաստ են օգտագործման համար, Apple-1-ն ի սկզբանե ստեղծվել էր որպես էլեկտրոնիկայի սիրահարներին վաճառելու հավաքածու: Սակայն հենց այդ սարքն էր դարձել առաջին համակարգիչներից մեկը, որոնք օգտատերերին ներկայացնելու համար վերջնականացման կարիք չունեին: Եւ այդ ժամանակ Կալիֆոռնիայում «The Byte Shop» անձնական համակարգիչների խանութի սեփականատեր Փոլ Թերելը որոշել էր ձեռք բերել ամբողջովին հավաքված սարքերը հետագա վաճառքի համար: