«Բարսելոնան» 5 տարվա պայմանագիր է առաջարկել Լաուտարո Մարտինեսին
Իսպանիայի չեմպիոն «Բարսելոնան» Միլանի «Ինտերի» արգենտինացի հարձակվող Լաուտարո Մարտինեսին առաջարկել է հինգ տարվա պայմանագիր, տարեկան 7 միլիոն եվրո աշխատավարձով, չհաշված հնարավոր բոնուսները, հաղորդում է gazetta.it-ը։
Կատալոնական ակումբը պատրաստ է 22-ամյա ֆուտբոլիստի համար վճարել 111-130 միլիոն եվրո։
Իտալիայի ընթացիկ առաջնությունում Լաուտարո Մարտինեսը մասնակցել է 21 հանդիպման, խփել 11 գոլ, կատարել 1 գոլային փոխանցում։ Նրա պայմանագիրը «Ինտերի» հետ նախատեսված է մինչեւ 2023թ․ հունիս։