Աշխատանքներ են տարվում Երևան-Լոս Անջելես ուղիղ չվերթներ կազմակերպելու ուղղությամբ. վստահեցում
Աշխատանքներ են տարվում Երեւան-Լոս Անջելես ուղիղ չվերթներ կազմակերպելու ուղղությամբ: Այս մասին փետրվարի 13-ին ԱԺ նիստում «Հայաստանի Հանրապետության կառավարության եւ Հորդանանի Հաշիմյան Թագավորության կառավարության միջեւ օդային հաղորդակցության մասին համաձայնագրի» վավերացման մասին հարցի քննարկման ընթացքում հայտարարեց ՀՀ Քաղավիացիայի կոմիտեի նախագահ Տաթեւիկ Ռեւազյանը՝ պատասխանելով ԱԺ փոխխոսնակ Ալեն Սիմոնյանի հարցին:
Սակայն նա խոստովանեց, որ տվյալ հարցով ավելի շուտ կապի մեջ են Վրաստանի հետ: «Հայաստանից հոսքը բավարար չէ՝ դեպի Լոս Անջելես ուղիղ չվերթ կազմակերպելու համար: Շաբաթական մեկ չվերթն արդյունավետ չէ, առնվազն 2-3 չվերթ է պետք: Պարզապես նրանք հետաքրքրվում են Նյու Յուրքի, մենք՝ Լոս Անջելեսի ուղղությամբ: Տեսնենք, թե այս ամենն ինչի կբերի»,- հավելեց Ռեւազյանը: