Ոնց եղավ, որ Երևանում պետք էր նոր ընտրություն անել, բայց Վանաձորում կամ Գյումրիում պետք չէր․ Էդմոն Մարուքյան
Ոնց եղավ, որ Երևանում պետք էր ՏԻՄ նոր ընտրություն անել, բայց Վանաձորում կամ Գյումրիում պետք չէր։ Այս մասին այսօր՝ փետրվարի 9-ին, «Լուսավոր Հայաստան» խմբակցության պատգամավորների տարեկան հաշվետվություն ներկայացման ժամանակ ասաց խմբակցության ղեկավար Էդմոն Մարուքյանը։
«Շատ են վերջերս ասում՝ բա ինչի՞ Վանաձորից չես խոսում։ Մարդկանց մեջ տպավորվել է, որ 2012 թվականին ես ընտրվել եմ Վանաձոր քաղաքից, հետո 2017-ին համամասնական ընտրակարգով, իսկ 2018-ին՝ արդեն ռեյտինգայինով Երևան քաղաքում, բայց վանաձորցիները ակնկալում են՝ պետք է շատ խոսել Վանաձոր մասին։ Քանի որ մենք ունենք Վանաձորից երկու ռեյտինգային ընտրակարգով ընտրված պատգամավորներ, նաև համամասնական ընտրակարգով, մարդիկ անընդհատ Վանաձորի հարցով զբաղվում են։ Այն հարցով, որ շատ հաճախ դիմում են մեզ, ասում են՝ բա ի՞նչ եղավ, ընտրությունների կեղծմամբ ընտրված իշխանությունը մնաց տեղում, Սահմանադրական դատարանի որոշումը կյանքի չկոչվեց ՀՀ կառավարության կողմից, էդ հարցերը բաց են մնացել։ Այսօրվա իշխանությունները սիրով և համերաշխությամբ աշխատում են ՀՀԿ-ական իշխանության հետ այնտեղ, որտեղ դեռ թեկնածու չունեն, բայց, օրինակ, Երևանում, Արմավիրում նոր ընտրություններ անցկացրին, Իջևանում՝ անցկացվում են։ Այսինքն այնտեղ, որտեղ պետք էր, ցրեցին իշխանությունները, որտեղ արդեն որոշակի եղբայրություն կար, մնացին։ Բայց մենք շարունակելու ենք խնդիրը բարձարցնել, սա երկակի ստանդնարտների ցցուն օրինակ է։ Ոնց եղավ, որ Երևանում պետք էր նոր ընտրություն անել, բայց Վանաձորում կամ Գյումրիում պետք չէր»,-նշեց նա։