Johnson & Johnson-ը եւս 750 միլիոն դոլար փոխհատուցում կվճարի
Հինգշաբթի ԱՄՆ Նյու Զերսի նահանգի ատենակալների ժյուրին Johnson & Johnson-ին ընկերությանը պարտավորեցրել է հավելյալ 750 միլիոն դոլար վճարել հայցվորների խմբին` այն վնասի փոխհատուցման համար, որը, հնարավոր է, հասցվել է Baby Powder մանկական ցանափոշու օգտագործման հետևանքով, փոխանցում է ՏԱՍՍ-ը՝ վկայակոչելով Bloomberg-ը:
Հաղորդվում է, որ ավելի վաղ այս հայցվորներին 37.2 միլիոն դոլարի չափով փոխհատուցում էր տրվել ընկերության կողմից: Հինգշաբթի օրը դատարանում նախագահող դատավորը հասկացրել է, որ նշված գումարը հնարավոր է նվազեցնել մինչև 186.5 միլիոն դոլար:
Johnson & Johnson-ը նախորդ տարվա հոկտեմբերի 18-ին կամավոր հետ էր կանչել 33 հազար շիշ մանկական ցանափոշու խմբաքանակը: Որոշումը պայմանավորված էր Միացյալ ԱՄՆ Սննդամթերքի և դեղամիջոցների որակի սանիտարական վերահսկման վարչության (FDA) կողմից անցկացվող ստուգումներով, որի արդյունքում առցանց վաճառողից ձեռք բերված տարայից ցանափոշու նմուշի մեջ քրիզոտիլային ասբեստ էր հայտնաբերվել (0,00002 տոկոսից ոչ ավել): Քրիզոտիլային ասբեստը քաղցկեղածին հատկություններ ունի, եւ, ինչպես պնդում են հայցվորները, երկարատեւ օգտագործման դեպքում կարող է քաղցկեղ առաջացնել:
Ընկերությունը հետագայում հետ կանչված խմբաքանակից վերցված մի քանի տասնյակ նմուշների փորձաքննություն էր անցկացրել եւ հայտարարել էր դրանց մեջ քրիզոտիլային ասբեստի բացակայության մասին:
1886-ին հիմնադրված Johnson & Johnson ընկերությունը կոսմետիկ, սանիտարական ապրանքների եւ բժշկական սարքավորումների աշխարհի խոշորագույն արտադրողներից է: 2017 թվականին ընկերության շրջանառությունը մոտ 76 միլիարդ դոլար է կազմել: