на Русском
Տեղի է ունենում ՀՀ ԱԺ արտահերթ նիստ․ Ուղիղ
Մեկ շաբաթում Սևանից 303 հատ ապօրինի խեցգետնաո... 
Ռոբերտ Քոչարյանի գործով դատախազը զերծ մնաց Վերաքննիչ դատարանի որոշմանը գնահական տալուց (Տեսանյութ)
ՀՀ երկրորդ նախագահ Ռոբերտ Քոչարյանի գործով դատախազ Պետրոս Պետրոսյանը զերծ մնաց Վերաքննիչ դատարանի որոշմանը գնահատական տալուց:
Ավելի վաղ հաղորդվել էր, որ Քրեական վերաքննիչ դատարանը` Արմեն Դանիելյանի նախագահությամբ, բավարարել է դատախազության բողոքը: Դատախազությունը վերաքննիչ բողոք էր ներկայացրել առաջին ատյանի դատարանի՝ 2008 թվականի մարտի 1-ի դեպքերի վերաբերյալ գործի նյութերի` պաշտպանությանը տրամադրելու որոշման կապակցությամբ: Դատախազությունը կարծում է, որ նյութերի հրապարակումը կամ անգամ փաստաբանների ծանոթությունը դրանց կարող է վնաս հասցնել այլոց շահերին:
Վերաքննիչ դատարանի նիստից հետո լրագրողների հետ զրույցում Պետրոսյանը հիշեցրեց, որ որոշումը կարող է բողոքարկվել Վճռաբեկ դատարանում: «Եթե Վճռաբեկ դատարանը նպատակահարմար կգտնի արտահայտվել օրենքի կիրառման միատեսակության կապակցությամբ, ապա կսկսի գործի քննումը և որոշում կկայացնի»,- նշեց դատախազը: Նրա խոսքով՝ օրենքում բաց չկա, սակայն կա օրենքի միատեսակ կիրառման հարցը: «Այս պահի դրությամբ մենք չենք կարող գնահատական տալ առաջին ատյանի և վերաքննիչ դատարանի որոշմանը», - հավելեց դատախազը՝ հիշեցնելով, որ Քրեական դատավարության օրենսգիրքը կարգավորում է, թե երբ է հնարավոր ծանոթանալ նյութերին:
