Փաստորեն նախկին մտայնությունն է գերիշխել․ Հոկտանյանը՝ ՀՀ արդարադատության նախարարության 2019թ. կատարողականի մասին
2019 թվականի կատարողական հաշվետվությունը ևս մեկ անգամ ապացուցում են, որ արդյունքային ցուցանիշների որակը բավարար չէ պատկերացում կազմելու տվյալ միջոցառման որակի և արդյունավետության մասով։ Այս մասին այսօր՝ փետրվարի 5-ին, լրագրողների հետ հանդիպմանն ասաց «Թրանսփարենսի ինթերնեշնլ հակակոռրուպցիոն կենտրոն» ՀԿ-ի հանրայն ֆինանսների գծով փորձագետ Սարգիս Նասիբյանը` խոսելով ՀՀ արդարադատության նախարարության 2019թ. կատարողականի և 2020թ. պետական բյբյուջեի արդյունքների մասին։
«Հաշվետու ժամանակահատվածի համար ցուցանիշների արժեքների կատարողականները խիստ տարբերվում են դրանց պլանայիններից՝ դրանով իսկ աննպատակահարմար դարձնելով դրանք։ Բացակայում ենք այն հիմնական որակական ցուցանիշները, որոնց շնորհիվ հնարավոր է գնահատել միջոցառման որակն ու արդյունավետությունը։ Օրինակ՝ տրամադրվող խորհրդատվությունների թիվը, նշված էր, որ պլանային 9 ամիսների համար դա պետք է լիներ 150 հատ, սակայն փաստացի ունենք 194, այսինքն տարբերությունը 44 է, այս ցուցանիշը գուցե աննպատակահարմար է եղել։ Այս ցուցանիշը գուցե շատ լավ է հաշվետվություն տալու համար, բայց այն հնարավոր չէ նախ պլանավորել, գուցե դրա համար կա այդպիսի տարբերություն, բացի այդ այս ցուցանիշը չի կարող պատկերացում տալ որակի և ծրագրի վերաբերյալ»,-նշեց նա։
ՀԿ-ի ծրագրերի ղեկավար Վարուժան Հոկտանյանն էլ նշեց, որ եթե ծրագրային բյուջետավորման են անցնում, ապա շատ ավելի լուրջ ուշադրություն պետք է դարձնել արդյունքային ցուցանիշներին։
«Երբ մենք ցույց ենք տալիս այդ տարբերությունները, այդ ցուցանիշները ի վերջո ոչինչ չեն տալու ծրագրային բյուջետավորման իմաստով։ Դա ցույց տալը և հետագայում թվերի տարբերությունը ոչինչ չի տա։ Այստեղ մի հարց է գալիս, որ փաստորեն այն նախկին մտայնությունն է գերիշխել, որ եկեք ցույց տանք այսքան կա, հետո քիչ լինի, կասենք գումար տնտեսեցինք և այլն։Իսկ ինչի համար են այդ ցուցանիշները, այդ հարցը չի դրվել։ Մենք ասել ենք, որ այսպիսի ցուցանիշները իրենց էությամբ ծրագրային բյուջետավորման գաղափարախոսությանը, չեն համապատասխանում, բայց դա այդպես էլ մնաց»։