ԱՄՆ-ում վաճառվում է եկեղեցի տան հետ՝ որպես նվեր

Ամերիկյան Թրեյսի քաղաքում (Մինեսոտա նահանգ) վաճառքի է հանվել եկեղեցի: Հայտարարության մեջ ասվում է, որ գնորդները կստանան հովվի տունը՝ որպես նվեր, հաղորդում է Lenta-ն՝ հղում անելով Independent պարբերականին:

«Գնելով մեկը՝ ղուք կստանաք երկրորդը՝ որպես նվեր»,-մեկնաբանել է անշարժ գույքի գործակալ Փայա Վիզեն: Ըստ նրա՝ այդ առաջարկը շատ շահավետ է, քանի որ երկու շենքերն էլ կարող են օգտագործվել տարբեր նպատակով: Առաջարկվում է եկեղեցի վերածել պահեստի, բնակելի շենքի կամ պահպանել dրա սկզբնական կարգավիճակը: Եկեղեցական համալիրը վաճառվում է 48 հազար դոլարով:

Հովվական տունը կառուցվել է 1990-ականների սկզբին: Դրա ներսում կա երեք ննջասենյակ: Մի քանի տարի առաջ եկեղեցու հետ միասին շենքը վերանորոգվել է: «Տունն ունի խնամքի կարիք, սակայն այն ունի պոտենցիալ»,-ասել է Վիզեն:

The Atlantic պարբերականի հաղորդմամբ՝ ԱՄՆ-ում մեծաթիվ լքված եկեղեցիներ ստանում են նոր կյանք: Դրանց մի մասը վերածվել է գինեգործարանների, գարեջրի գործարանների կամ սրճարանների եւ ակումբների: Մյուսները վերածվել են հյուրանոցների կամ Airbnb հարթակի համար նախատեսված բնակարանների: Որոշ եկեղեցիներ դարձել են ժամանցի կենտրոններ կամ ֆիթնես ակումբներ: The Atlantic-ը գրում է, որ եկեղեցիներից մեկը վերածվել է երեխաների համար փակ խաղասրահի՝ լազերթագով եւ սքեյթի այգով: