ԱՄԷ-ի տեխնոլոգիական հավակնությունները մնացել են ստվերում ինտերնետ-սահմանափակումների պատճառով

Արաբական Միացյալ Էմիրությունները, որոնք ունեն գերժամանակակից ենթակառուցվածք եւ հիպերմիացված ծառայություններ, իրենցից ներկայացնում են զարգացող տեխնոլոգիական գերտերություն, սակայն հաղորդագրությունները փոխանակելու համար հանրահայտ հավելվածի շուրջ սկանդալը դուրս է բերել Համացանցում վերհսկողության կոշտ միջոցներ, հաղորդում է AFP-ը:

Նավթով հարուստ երկիրը ներդրել է միլիարդներ նոր տեխնոլոգիաների եւ արհեստական ինտելեկտի մեջ ինտելեկտուալ ծառայություններ մատուցելու նպատակով նախատիպ դառնալու համար իր Vision 2021 ծրագիրը զարգացնելու շրջանակում:

Եւ չնայած ավելի քան 9 միլիոն օտարերկրացիները կազմում են բնակչության 90 տոկոսը, մտերիմների հետ WhatsApp-ով կամ Skype-ով կապ հաստատելը հեշտ չէ:

«Իմ ընտանիքնի հետ WhatsApp-ի միջոցով խոսելու համար ես ձեռք եմ բերում քարտ ամեն ամիս»,-ասել է AFP-ի պակիստանցի աշխատակիցներից մեկը:

Շատերը գերադասում են օգտվել ToTok-ից, որը շատ տարածված է Էմիրություններում եւ Մերձավոր Արեւելքում 2019 թվականին հայտնվելուց հետո:

Այդուհանդերձ, դեկտեմբերին The New York Times-ը մեղադրել էր ԱՄԷ-ին ToTok-ը լրտեսության նպատակով օգտագործելու համար, ինչը դրդել էր Google-ին եւ Apple-ին հեռացնել հավելվածը առցանց շուկաներից:

Հայտարարության մեջ նշված էր, որ ToTok-ը թույլ է տվել Էմիրատների կառավարությանը հետեւել հեռախոսազրույցներին, հավելվածն իրենց հեռախոսներում տեղադրած մարդկանց տեղաշարժին եւ այլ տվյալներին:

Google Play-ը կրկին հասանելի էր դարձրել այն հունվարին՝ համալրելով իր թարմացումների սերիան, սակայն այդ դեռեւս անհասանելի է Apple Store-ում:

Փորձագետ Բիլ Մարչաքի խոսքով՝ ԱՄԷ-ն, հնարավոր է, շարժվում է դեպի թվային ավտոմատացման «չինական մոդելը»՝ ձգտելով դառնալ տեխնոլոգիաների հզոր աղբյուր, սակայն նաեւ օգտագործելով այդ կարգավիճակը որպես վերահսկողության եւ հետեւելու գործիք:

«Հետաքրքիր կլինի, թե ինչպես այդ հանրային ֆիասկոն կազդի ԱՄԷ-ի՝ որպես ապագայում տեխնոլոգիական կենտրոնի զարգացման վրա»,-ասել է նա: Մարդիկ «հավանաբար դժվարությամբ կվստահեն ցանկացած տեխնոլոգիական հարթակի, որը դուրս է գալիս ԱՄԷ-ից»: