Եթե Մարուքյանը շարունակի նույն շնչով, կհայտնվի Աշոտյանի դերում. Նիկոլ Փաշինյանը` Էդմոն Մարուքյանի մասին
Այսուհետ Հայաստանի իշխանությունների հետ անհնար է խոսել շանտաժի լեզվով: Այդ մասին հունվարի 25-ին Կապանում մամուլի ասուլիսի ժամանակ հայտարարել է վարչապետ Նիկոլ Փաշինյանը՝ պատասխանելով Երեւանի քաղաքապետարանի կողմից «Կամազ» ավտոմեքենաների ձեռքբերման եւ այդ հարցով խորհրդարանում բուռն քննարկումների մասին հարցին: Հիշեցնենք, որ խոսքը վերաբերել է տեխնիկան ձեռքբերելու հանգամանքները բացահայտելու համար հանձնաժողով ստեղծելու մասին:
Խնդրանքին՝ մեկնեբանել նախկին դաշնակցի՝ «Լուսավոր Հայաստան» կուսակցության ղեկավար Էդմոն Մարուքյանի քննադատությունը՝ Փաշինյանը կրկնել է ավելի վաղ ԱԺ-ում հնչեցրած միտքը, որ ըստ Հայաստանի օրենսդրության՝ քաղաքապետարանի իրավասության շրջանակում գտնվող հարցերը քննելու համար հանձնաժողովի ստեղծումը ավագանու լիազությունների դաշտում է: «Հայաստանում եւ ցանկացած այլ ժողովրդավարական երկրում կառավարման հիմքը իշխանության բաշխումն է: Ասում են՝ Մարությանը գնել է «Կամազները». Մարությանը գնել է դրանք իր սեփական գործի համա՞ր: Դրանք ծառայում են քաղաքին»,-վրդովվել է վարչապետը:
Փաշինյանը հայտնել է, որ դեսպանատներին հարցում է ուղարկել եւ պարզել, որ ժողովրդավարական երկրներում կա այդպիսի պրակտիկա: Միեւնույն ժամանակ վարչապետը համաձայն է, որ հարցը պետք է կարգավորվի. «Դատախազությունը համարում է, որ խախտումներ չկան, սակայն հարցը պետք է կարգավորել»:
«Ես ցավում եմ, որ Մարուքյանը չի կարող տարբերել: Երբ ասում ենք՝ «մնացել է անցյալում», նկատի ունենք, որ չի հասկանում, որ Մարուքյանը Տարոն Մարգարյան չէ, իսկ ես Սերժ Սարգսյան չեմ: Ըստ ամենայնի՝ Լենա Նազարյանը դա նկատի ունի: Չի կարելի այդ լեզվով խոսել իշխանության հետ, որը ստացել է ժողովրդի վստահությունը»,-հայտարարել է Նիկոլ Փաշինյանը:
Մեկնաբանելով Էդմոն Մարուքյանի հայտարարությունը, որ այդ քայլով իշխանությունը կորցնում է վստահության քվեն՝ Փաշինյանը խորհուրդ է տվել ընդդիմադիր գործընկերներին խոսել տանձերի եւ խնձորների մասին, ոչ թե զբաղվել քաղաքական վստահությունը գնահատելով. «Ո՞վ է գնահատում՝ կորցնում ենք մենք քաղաքական վարկանիշը, թե ոչ: Եթե Մարուքյանը շարունակի չհասկանալ, կհայտնվի Աշոտյանի դերում: Ընտրությունը նրանն է: Մենք խնդիր չունենք: Նա չի կարող գնահատել՝ կորցնում ենք մենք քաղաքական վարկանիշը, թե ոչ: Դա որոշում է ժողովուրդը: Նա դրա իրավունքը չունի. պարզապես չունի»:
«Բավ է չարաշահել մեր համեստությունը»,-ասել է Փաշինյանը՝ հավելելով, որ անցել են ժամանակները, երբ կարելի էր իշխանության հետ խոսել առեւտրի եւ շանտաժի լեզվով: «Այդ մարդիկ զբաղված են ինքնաոչնչացմամբ: Թող չանհանգստանան մեր քաղաքական վարկանշի մասին»,-հայտարարել է Փաշինյանը:
Պատասխանելով խնդրանքին՝ մանրամասնել, թե Աշոտյանի հատկապես որ դերը նա նկատի ուներ՝ Փաշինյանը հայտարարել է՝ «ստեղծագործականը»: