Շամշյան դու ուղղակի չգիտեմ ինչ ես, չգիտեմ դու ինչով ես մտածում, ինչքան ես վնաս տալիս մեր երկրին. խոսնակ

Քիչ առաջ Shamshyan.com կայքում հայտնվել է ինֆորմացիա, որ արտակարգ դեպք է տեղի ունեցել Արցախի հանրապետությունում. Պաշտպանության բանակի զորամասերից մեկի 3 զինծառայող հրազենային վնասվածքներով տեղափոխվել են հոսպիտալ:

ՀՀ ՊՆ մամուլի խոսնակ Արծրուն Հովհաննիսյանը իր Ֆեյսբուքի էջում գրել է. 

«Շամշյան, դու ուղղակի չգիտեմ ինչ ես, չգիտեմ դու ինչով ես մտածում, ինչքան ես վնաս տալիս մեր երկրին: Ուղղակի բառեր չկան ասելու:

Ունենք դեպք, որով կա երկու վիրավոր, զոհ չկա: Մեկի կյանքին առնվազն վտանգ չի էլ սպառնում: Այս պահին այլ բան չեմ կարող ասել: Եվ այսքանից հետո գրել երկու դի կա, չգիտեմ ինչություն է:

Խնդրում եմ մանրամասների համար չզանգահարել: Իրավիճակի մասին կիրազեկենք ինչպես կարգն է:

Մեկի կյանքին առնվազն վտանգ չի էլ սպառնում: Իրավիճակի մասին կիրազեկենք ինչպես կարգն է»,- Facebook-ի իր էջում նշել է նա:

Հ.Գ. Հավանաբար, այժմ Shamshyan.com կայքում տեղադրված է թարմացված և խմբագրված տարբերակը, մինչ այդ գրված էր հետևյալը

«SHAMSHYAN.com-ի տեղեկություններով՝ այսօր՝ հունվարի 24-ին, ողբերգական դեպք է տեղի ունեցել Արցախի հանրապետությունում , Պաշտպանության բանակի զորամասերից մեկում հայտնաբերվել է 2 զինծառայողի դի»: