Ամերիկուհին վախենում է վերադառնալ տուն սարդերի պատճառով, որոնք դուրս են եկել բանանների միջից

Ամերիկուհին չի համարձակվում վերադառնալ տուն այն բանից հետո, երբ նրա չորս տարեկան որդին պատահաբար «հարյուր, եթե ոչ հազար» սարդեր է բաց թողել տանը, երբ խաղացել էր Asda խանութից բերված բանաններով։ Ինչպես տեղեկացնում է USA.one-ը, 21-ամյա Հոլի Քրեյը Փեմբրոքշիրից (Ուելս) գնումներ էր պատվիրել ինտերնետով Asda խանութից՝ որեւէ վատ բան չակնկալելով։ Բայց երբ ծանրոցը տուն եկավ եւ նրա որդին սկսեց խաղալ բանանների փնջի հետ, դրանց կեղեւը հանկարծ պայթեց։ Դրանից հետո տասնյակ սարդեր հայտնվեցին եւ սկսեցին սողալ տան մեջ։ Հոլին անհապաղ հեռացավ տնից երեխաների հետ, որոնցից ամենափոքրը ընդամենը 5 ամսական է, եւ հիմա ապրում է մեկ տատիկի հետ, մեկ ոչ հեռու գտնվող հյուրանոցում։ Կինը վախենում է, որ տանը բնակություն են հաստատել բրազիլական թափառող սարդեր (երկրագնդի ամենաթունավոր սարդերից են)։

Քրեյի խոսքով՝ Asda-ում խնդրին պատշաճ ուշադրությամբ չեն վերաբերվել եւ «պարզապես ձեռքները լվացել են»։ Asda-ի ներկայացուցիչներն ի պատասխան հայտարարել են, որ արդեն խորհրդակցել են փորձագետների հետ եւ համոզված են, որ սարդերը, որ գտնվել են բանանների մեջ, «գրեթե հաստատ» բրազիլական թափառողներ չեն։ «Մենք մոտ միլիարդ բանան ենք վաճառում ամեն տարի՝ մանրակրկիտ լվալով եւ ստուգելով ամեն մի բանանը։ Մենք կապի մեջ ենք միսս Քրեյի հետ եւ ներկա պահին խնդրի լուծում ենք փնտրում»։