Թաիլանդում կայացել է վերջին շրջանում խոշորագույն դեմոկրատական ակցիան՝ «Մրցավազք դիկտատուրայի դեմ» խորագրով
Թաիլանդում կայացել է վերջին տարիներին խոշորագույն քաղաքական ակցիան հանուն դեմոկրատիայի, հաղորդում է DW-ը:
Կազմակերպիչների տվյալներով՝ Բանգկոկում կիրակի՝ հունվարի 12-ին, 13 հազար մարդ է մասնակցել «Մրցավազք դիկտատուրայի դեմ» խորագրով ակցիային: Դրան զուգահեռ Բանգկոկում կայացել է այլընտրանքային մրցավազք գործող իշխանության կողմնակիցների կողմից, որին մասնակցել է գրեթե նույն թվով մարդ:
«Մրցավազք դիկտատուրայի դեմ» ակցիան գլխավորել է խարիզմատիկ միլիարդատեր Թհանաթհորն Չուանգրունգրուանգկիթը, որը հատկապես ճանաչված է թաիլանդցի երիտասարդների շրջանում: Չուանգրունգրուանգկիթը ղեկավարում է խիստ հակառազմականացված քաղաքական կուսակցությունը, որը գտնվում է լուծարման եզրին: Նա զրկվել էր պատգամավորի կարգավիճակից, եւ այժմ նրան սպառնում են ավելի մեծաքանակ դատական հայցեր:
«Զգալի է ժողովրդի վրդովմունքն ու կառավարությունից նրանց հիասթափությունը: Ես կարծում եմ, որ սա Թաիլանդում լայնամասշտաբ փոփոխություններին ուղղված առաջին քայլն է: Սա ժողովրդի ձայնն է, որն ասում է. «Մենք գոհ չենք, որ իշխանությունը ժառանգել է խունտան, մենք ցանկանում ենք փոփոխություններ տեսնել, վերադարձրեք ժողովրդավարությունը»,-ասել է Չուանգրունգրուանգկիթը նախքան մրցավազքը»:
Թաիլանդում 2014 թվականի ռազմական հեղաշրջումից ի վեր իշխում է պաշտոնաթող գեներալ Պրայութ Չան-օչան: 2019 թվականին խորհրդարանական ընտրություններից հետո Չան-օչան զբաղեցրել է կոալիցիոն կառավարության վարչապետի պաշտոնը: ԶԼՄ-ներում նրան անվանել են Քեռի Տու: Դա նաեւ իր տեղն էր գտել կիրակնօրյա ցույցերի ժամանակ օգտագործված կարգասոխերում՝ Քեռու դեմ եւ Քեռուն կողմ:
Թաիլանդում չկա քաղաքական կայունություն արդեն բազում տասնամյակներ շարունակ: Ջոկատներից մեկը ղեկավարում է պահպանողական իսթեբլիշմենթն ու թագավորական ընտանիքը, իսկ մյուսը՝ դեմոկրատիայի ընդլայնման կողմնակիցները: