Գերմանիայում փախստականը հարձակվել է կամավորի վրա. Սաքսոնիայում անցկացվել են ակցիաներ՝ ի պաշտպանություն տուժածի

Գերմանական Աուէ-Բադ-Շլեմ (Սաքսոնիայի դաշնային հողեր) քաղաքում շաբաթ՝ դեկտեմբերի 28-ին, տեղի է ունեցել երկու զանգվածային հավաք, որոնց հետեւել են սիրիացի փախստականներից մեկի կողմից կատարված հանցագործությանը, հաղորդում է DW-ը:

Սուրբ Ծնունդի նախօրեին եկեղեցում կարիքավորներին օգնություն ցուցաբերելու միջոցառման ժամանակ փախստականների միջեւ վեճ է բռնկվել: Գերմանացի կամավոր օգնականներից մեկը ցանկացել է միջամտել եւ կարգավորել իրավիճակը, սակայն 53-ամյա սիրիացին դանակով լուրջ վնասվածք է հասցրել նրան: Այժմ ենթադրյալ հանցագործը գտնվում է նախնական կալանքի խցում:

Սուրբ Նիկողայոսի եկեղեցում խաղաղ աղոթքի ժամանակ ներկա էր ավելի քան 350 մարդ: Շուրջ մեկ ժամ անց քաղաքում տեղի է ունեցել հանրահավաք, որը նախաձեռնել էր ծայրահեղ աջ Գերմանիայի Ազգային-դեմոկրատական կուսակցությունը (ԳԱԴԿ), որին մասնակցել է շուրջ 1000 մարդ: Այդ միջոցառման ժամանակ ներկա են գտնվել նաեւ մյուս աջակողմյա միավորումների ներկայացուցիչները:

«Մենք դեմ ենք այդ հանցագործությունը բոլոր փախստականներին՝ որպես պոտենցիալ հանցագործներ, վերագրելուն»,-ասվում է ԳԱԴԿ-ի հայտարարության մեջ, որը հրապարակվել էր Սուրբ Նիկողայոս եկեղեցու համայնքի կողմից: Վիրավոր կամավորի վիճակը բավարար է: Եկեղեցու ներկայացուցիչը հայտնել է, որ տուժածը «ատելություն չի տածում» եւ ապաքինվելուց հետո պատրաստվում է շարունակել իր կամավորական գործունեությունը: