Կամփոփվեն ՀՀ-ում մարդկանց շահագործման երեւույթը և դրա դեմ պայքարը արծարծող լրագրողական մրցույթի արդյունքները

2019 թվականի դեկտեմբերի 23-ին Ավանտա նորարարական բժշկության կենտրոնում տեղի կունենա Հայաստանի Հանրապետության կրթության, գիտության, մշակույթի եւ սպորտի նախարարության` ՀՀ-ում մարդկանց շահագործման երեւույթը եւ դրա դեմ պայքարը արծարծող լրագրողական մրցույթի արդյունքների ամփոփումը եւ մրցանակների հանձման արարողությունը:

Մրցույթի նպատակն է խրախուսել ՀՀ-ում մարդկանց շահագործման/թրաֆիքինգի երեւույթի եւ դրա դեմ պայքարի վերաբերյալ լուսաբանումը, ինչպես նաեւ այն լրագրողներին, որոնք իրենց աշխատանքներում անդրադառնում են մարդկային թրաֆիքինգի երեւույթին, հանրությանը տեղեկացնում դրա բացասական ազդեցությունների մասին, մատնացույց անում ելքերը՝ նպաստելով թրաֆիքինգ երեւույթի եւ դրա դեմ պայքարի աշխատանքների մասին հանրային իրազեկման բարձրացմանը:

Մրցույթին ներկայացվել են 2019 թվականի ընթացքում թրաֆիքինգի թեմաներն արծարծող լրագրողական նյութերը հետեւյալ անվանակարգերում.

Հեռուստա/ռադիո արտադրանք,

Տպագիր եւ էլեկտրոնային նյութեր:

Ներկայացված աշխատանքները գնահատվել է ժյուրիի կողմից, որը կազմված է թրաֆիքինգի հարցերով փորձագետներից եւ լրագրողական կազմակերպությունների ներկայացուցիչներից: Աշխատանքները դիտարկվել եւ գնահատվել են ժյուրիի կողմից մշակված չափորիշիչներով` առաջնորդվելով լրագրողական էթիկայի եւ թրաֆիքինգ երեւույթի ճիշտ մեկնաբանման սկզբնուքներով: