Forbes-ը կազմել է ամենաբարձր վարձատրվող բլոգերների իր ամենամյա վարկանիշը
Ամերիկյան Forbes ամսագիրը կազմել է Youtube-ի ամենաբարձր վարձատրվող բլոգերների իր ամենամյա վարկանիշը։
Առաջին հորիզոնականում այս տարի եւս երեխա է՝ 8-ամյա Ռայան Քաջին։
Forbes-ի հաշվարկներով՝ Ryan ToysReview ալիքից, որտեղ տղան խաղալիքներ է փաթեթավորում, նրա եկամուտը անցնող տարում կազմել է 26 մլն դոլար։ Քաջին արդեն երկրորդ տարին անընդմեջ գլխավորում է ամենաբարձր վարձատրվող Youtube-բլոգերների ցուցակը, որը կազմում է Forbes-ը, հայտնում է РБК-ը։
Երկրորդ տեղում Dude Perfect ալիքն է, որտեղ մոտ 30 տարեկան հինգ երիտասարդներ սպորտային հնարքներով տեսանյութեր են տեղադրում։ Forbes-ը 2019թ․ նրանց եկամուտը գնահատել է 20 մլն դոլար։ Երրորդ տեղը զբաղեցնում է հնգամյա Անաստասիա Ռաձինսկայան։
«Ռուսաստանում ծնված հնգամյա աղջիկը դարձել է աշխարհում ամենաարագ զարգացող բլոգերներից մեկը՝ շնորհիվ յոթ լեզվով տեսանյութերի, որոնցում նա խաղում է հոր հետ իր ալիքներում, որոնց թվում է Youtube-ի Like Nastya ալիքը»,- նշում է ամսագիրը։ Նրա հետ համագործակցում են այնպիսի ապրանքանիշներ, ինչպիսին են Lego-ն եւ Danone-ը։ Forbes-ի հաշվարկներով՝ Անաստասիայի ալիքներից եկամուտը 2019թ․ կազմել է 18 միլիոն դոլար։
2019թ․ Youtube-ի ամենաբարձր վարձատրվող բլոգերների տասնյակում են նաեւ Rhett and Link-ը ($17,5 մլն), Ջեֆրի Սթարը ($17 մլն), Preston-ը ($14 մլն), PewDiePie-ը ($13 մլն), Markiplier-ը ($13 մլն), DanTDM-ը ($12 մլն) եւ VanossGaming-ը ($11,5 մլն)։