Շրջիկ վաճառակետերը աշխատելու են «մեկ օր՝ մեկ շրջան» սկզբունքով. «Իմ քայլը»
Տնտեսական սուբյեկտները՝ շրջիկ վաճառակետերի տերերը, իրավունք կստանան առեւտրային գործունեություն իրականացնելու մայրաքաղաքի մեկ վարչական շրջանի տարածքում մեկ օրվա ընթացքում, որից հետո նրանք պարտավոր են այդ վայրը լքել: Այս մասին դեկտեմբերի 4-ին ԱԺ նիստում «Առեւտրի եւ ծառայությունների մասին» օրենքում եւ կից օրենքներում փոփոխություններ եւ լրացումներ կատարելու մասին օրինագծերի փաթեթի քննարկման ժամանակ ասաց օրենսդրական նախաձեռնության հեղինակ, իշխող «Իմ քայլը» դաշինքի պատգամավոր Սիսակ Գաբրիելյանը:
Իշխող դաշինքից մեկ այլ պատգամավոր՝ Եղիշե Սողոմոնյանն, իր հերթին, նշեց, որ առեւտուր իրականացնելու իրավունքը հաշվարկված է կես տարուց պակաս ժամկետով: Այսինքն՝ ձեռներեցները պետք է ամեն օր փոխեն դրամարկղային սարքերը եւ վերագրանցում իրականացնեն:
Սրա հետ կապված նա առաջարկեց փոփոխություններ կատարել Հարկային օրենսգրքում եւ շրջիկ վաճառակետերին թույլ տալ անհասցե գրանցում: