Մեծ Բրիտանիայում ընտանի կենդանիները դաժանաբար սպանվել են եկեղեցու առաջ
Բրիտանական Հեմփշիր կոմսության Նյու Ֆորեսթ շրջանում ոստիկանները ահազանգ էին ստացել եկեղեցու մուտքի առաջ դաժանաբար սպանված ընտանի կենդանիների գործով, որոնց վրա հանցագործները նկարել էին հնգագծեր եւ սատանայական սիմվոլներ, գրում է Mirror-ը:
Բանն այն է, որ շաբաթվա ընթացքում Նյու Ֆորեսթ շրջանի Բրեմշոու գյուղում տեղի էր ունեցել ընտանի կենդանիների սպանությունների ամբողջ շղթա՝ ներառյալ կովի, հորթերի եւ ոչխարների սպանությունը: Բոլոր կենդանիներին մորթել էին եւ դրանց վրա նկարել սատանայական խորհրդանիշներ:
Ցնցված գյուղացիները հայտնաբերում էին դաժանաբար սպանված եւ մասնատված իրենց կենդանիներին:
Շրջադարձային էր այն օրը, երբ անհայտ չարագործը նկարել եր Սուրբ Պետրոս եկեղեցու դռան վրա, որը մաքրելու հետեւանքով այժմ ունի վերանորոգման կարիք:
Ոստիկանությունը հրավիրել էր Հեթանոս ոստիկանների ասոցիացիայից գործընկերներից, որոնք այժմ հետաքննում են այդ գործը:
Գյուղում պատմում են, որ այդտեղ բնակվում են նաեւ այսպես կոչված «սպիտակ կախարդները», որոնց, ի դեպ, կատարվածը նույնպես սարսափեցրել էր: