Արցախում քաղաքական ճգնաժամը հաղթահարելու միակ ուղին կառավարման համակարգի փոփոխությունն է. «Արդարություն» կուսակցություն
Արցախում տեղի ունեցած վերջին մարդահամարի տվյալներով բնակչության թիվը կազմել է մոտ 150 հազար մարդ. անկախ ամեն ինչից գրանցվել է բնակչության թվի աճ: Այս մասին, այսօր՝ նոյեմբերի 30-ին, Արցախի «Արդարություն» կուսակցության արտահերթ հմագումարում նշեց կուսակցության համանախագահ Հակոբ Հակոբյանը:
«Այդուհանդերձ, մեզ չի հաջողվել Արցախը դարձնել գրավիչ երկիր , այլապես մկեկնարկեր հայրենադարձությունը: Ի հակառակ դրա, այսօր էլ շարունակվում է երիտասարդության դանդաղ բայց հաստատուն արտահոսքը»,-ասաց նա:
Հակոհ Հակոբյանն անդրադարձավ նաեւ Արցախում ստեղծված ներքաղաքական վիճակին՝ նշելով. «Քաղաքական ճգնաժամը հաղթահարելու միակ ուղին կառավարման համակարգի փոփոխության իրականացնումն է:
Այս կապակցությամբ կուսակցությունը բաց նամակով դիմել էր Արցախի նախագահին՝ պահանջելով, որ նա հանդես գա հայտարարությամբ եւ անդրադառնա վերջին տարիներին առաջացած գլոբալ խնդիրներին եւ արձանագրի, որ եղել են բազմաթիվ տնտեսական եւ իրավական խախտումներ, իրականացվել են կոռուպցիոն սխեմաներ, որոնց արդյունքում մի խումբ չինովնիկներ ու բիզնեսմեններ հսկայական հարստության տեր են դարձել, ինչը հանգեցրել է ազգային հարստության ոչ իրատեսական բաշխման: Պահանջել էինք հիմնադրամներում անկախ աուդիտի անցմացում, հակաժողովրդավան որոշումների բացահայտում, մեղավորներին պատասխանատվության ենթարկում»,-ասաց նա:
Կուսակցության համանախագահը տեղեկացրեց նաեւ, որ ժամանակին իրենք նաեւ դիմել էին Արցախի ԱԺ պատգամավորներին. «Առաջարկել էինք մինչեւ 2020 թվականի ընտրությունները հանդես գալ օրենսդրական նախաձեռնություններով, որոնց արդյունքում ընդդիմությանը կվերապահվեր սահմանադրական ինստիտուտի կարգավիճակ: Պահանջել էինք, որ ԱԺ-ում ընդդիմությունն ունենա առնվազն 1/3 ներկայացվածություն, ինչը սակայն անտեսվեց»: