Սկսում ենք երկուշաբթիից. Թինա Կանդելակին պատմել է՝ ինչ ուտել նիհարելու համար

«Матч ТВ» հեռուստաընկերության գլխավոր պրոդյուսեր Թինա Կանդելակին խոստովանել է, որ իր արտաքինի վերաբերյալ շատ հարցեր է ստանում։ Թինան որոշել է այդ հարցին պատասխանել իր «Pro Тело» գրքում։ Լրագրողը նշել է, որ դրանում բավական մանրամասն պատմել է իր սննդակարգի մասին, ներկայացրել ճաշացանկը, որն իրեն հնարավորություն է տալիս ավելորդ կիլոգրամներ չկուտակել ու պահպանել կազմվածքը։

«Ես նիհարում էի, գիրանում, գիրանում, նիհարում եւ հիմա հանգիստ պահում եմ քաշս, քանի որ վերջապես հասկացել եմ՝ ինչպես է հարկավոր սնվել, ինչպես է հարկավոր փոխել սննդային սովորությունները՝ դիետայի չհետեւելու, քեզ չսահմանափակելու, այլ ճիշտ սնվել սովորելու եւ դրանից հաճույք ստանալու համար»,- ասել է պրոդյուսերը։ Նա կոչ է արել ամբողջ կյանքի ընթացքում պահպանել ընտրված ռեժիմը եւ ոչ թե կարճաժամկետ դիետաների հետեւել։

Իր գրքում հեռուստահաորդավարուհին առաջարկել է ճաշացանկերից մեկը օրվա ընթացքում 4 անգամ ուտելու համար, որն ընդհանուր առմամբ կազմում է 1500 կիլոկալորիա։ Որպես նախաճաշ՝ Թինան առաջարկում է դդմիկիով ու կաթնաշոռով պատրաստված թխուկ։ Որպես երկորդ նախաճաշ՝ այդ ճաշացանկում նշվում է կարմիր ձկից (սաղմոն կամ ատլանյան սաղմոն) պատրաստված ժյուլյեն։ Կանդելակին կոչ է անում ընթրիքին բանջարեղենով կինոա ու աղցան ուտել՝ ավելացնելով ձիթապտղի յուղ։ Գրքում հայտնի լրագրողը ընթրիքին առաջարկում է ազնվամորիով ու կաթնաշոռով թխուկ, որի պատրաստման ընթացքում շաքարի փոխարեն հարկավոր է շաքարի լավ փոխարինիչ օգտագործել։

Լուսանկարները՝ Instagram

Աղբյուրը՝ Cosmo