2020 թվականին Հայաստանում 2 դրամաշնորհային նախագծերի իրականացման համար կհատկացվի 2 մլրդ դրամ. նախարար

2020 թվականին 2 դրամաշնորհային նախագծերի իրականացման համար կհատկացվի 2 մլրդ դրամ: Այս մասին նոյեմբերի 20-ին լրագրողների հետ հանդիպման ժամանակ հայտնեց բարձրտեխնոլոգիական արդյունաբերության նախարար Հակոբ Արշակյանը:

Նա հավելեց, որ ծրագիրը բաղկացած է 2 փաթեթից, եւ դրանցից մեկով 90 շահառուներից յուրաքանչյուրին կհատկացվի մինչեւ 10 հազար դոլար դրամաշնորհ, որոնք նախագծեր կներկայացնեն գաղափարից մինչեւ որոշակի փուլում դրա իրականացում, մինչեւ նմուշ: «Այլ խոսքով՝ դրանք կլինեն սկսնակ ընկերություններ: Երկրորդ փաթեթը կնախատեսվի արդեն խոշոր ընկերությունների համար»,- պարզաբանեց Արշակյանը:

Բարձրտեխնոլոգիական արդյունաբերության նախարարը խոսեց նաև «Global IT Award» միջազգային մրցանակի մասին, ասելով, թե դափնեկիրներ են դարձել մարդիկ, ովքեր մեր կյանքը փոխել են, ովքեր գաղափարներ ունեին, դրանք զարգացրել են եւ մեզ բոլորիս հնարավորություն են ընձեռել կյանքը հեշտացնելու ու ստեղծագործելու համար ավելի շատ ազատ ժամանակ ունենալու: Սակայն նրանք ժամանակին ոչ մի բանով ավելի լավ չեն եղել այսօրվա հայ երիտասարդ մասնագետներից ու ուսանողներից: 

Նրա խոսքով՝ մրցանակի հանձնումն անչափ կարեւոր է Հայաստանի բրենդինգի համար որպես տեխնոլոգիական կենտրոն, իսկ դափնեկիրները երկրի յուրահատուկ դեսպաններ են, որոնք իրենց գործընկերների միջոցով տեղեկություններ են տարածում պետության ներուժի մասին: «Կարող է թվալ, թե աշխարհում արդեն ամենն, ինչ հնարավոր է ստեղծվել է, սակայն դեռեւս ահռելի ներուժ կա ինովացիաների կիրառման համար»,- հավելեց նա:

Արշակյանը կարեւորեց նախկին դափնեկիրների հետ մշտական փոխգործակցությունը, որոնցից ոմանց հետ համատեղ նախագծեր են իրականացվում: «Այս իմաստով արժե նշել «National Instruments» կորպորացիայի հետ համագործակցությունը, որի հիմնադիրներից մեկը՝ Ջեյմս Թրուշարդը, մրցանակը ստացել է անցյալ տարի: Հիշեցնեմ, որ «խելացի քաղաքի» 20 մլն դոլար բյուջեով նախագիծն իրականացվում է նշված կորպորացիայի հետ համատեղ: Այս գումարից 10 մլն դոլար ներդնում է Կառավարությունը, մնացյալ միջոցները՝ «National Instruments»-ը»,- եզրափակեց նա:

Նշենք, որ նոյեմբերի 20-ին հայտնի է դարձել «Global IT Award» մրցանակաբաշխության հաղթողի անունը: Նա ճապոնացի գիտնական Տակեո Կանադեն է: