Չինացիները որոշել են Rolls-Royce-ի հարուստ գնորդներին նստեցնել իրենց ավտոմեքենաներ

Hongqi ընկերությունը մտադիր է բրիտանական ավտոմեքենաների հարուստ գնորդներին չինական ավտոմեքենաներ նստեցնել Rolls-Royce-ի նախկին դիզայների միջոցով, հայտնում է «Մոտորը»:

Չինական հեղինակավոր Hongqi («Կարմիր դրոշ») մակնիշը մտնում է FAW խոշորագույն ավտոհոլդինգներից մեկի մեջ եւ հայտնի է հիմնականում միայն կառավարական շքեղ լիմուզիններով, որոնք մասնավոր անձի համար անհնար է գնել: Հիմա FAW ղեկավարությունը որոշել է կուրսը մի փոքր փոխել եւ Hongqi-ից ստեղծել քիչ թե շատ զանգվածային պրեմիումային մակնիշ, որը հասանելի է ցանկացած բավականին ապահովված մարդու, որն այսօր Rolls-Royce-ն ընտրում է որպես ամենօրյա ավտոմեքենա: Չինացիների կարծիքով՝ Չինաստանի առաջին դեմքերի համար լիմուզինների կառուցման բավարար փորձ են կուտակել, որպեսզի հավասարի պես մրցակցեն նույնիսկ այդքան անվանի բրիտանական լյուքսային բրենդի ավտոմեքենաների հետ:

Autocar-ը հայտնում է, որ չինացիներին այս հավակնոտ ծրագրերի իրականացմանը պետք է օգնի Rolls-Royce-ի նախկին գլխավոր դիզայներ Ժիլ Թեյլորը, որն անցյալ տարվանից FAW-ում է աշխատում: Դրանից բացի, տեղական շուկան նվաճելուց հետո Hongqi-ում պատրաստվում են նվաճել ամբողջ աշխարհում «ծանր լյուքսի» սիրահարների սրտերը եւ մակնիշը գլոբալ դարձնել: «Չինական Rolls-Royce-երի» ստեղծող Թեյլորը կլինի Մյունխենում FAW կոնցեռնի դիզայնի նոր կենտրոնում: Բրիտանացին մինչեւ Rolls-Royce-ը երկար տարիներ աշխատել է Jaguar-ում: Մտորելով նոր աշխատանքի մասին, նա խոստացել է, որ Hongqi մակնիշի մեքենաները չեն լինի Rolls-Royce-ի կլոնները, այլ կունենան «վառ արտահայտված անհատականություն»: