Քսենիա Սոբչակը 38 տարեկան է. աստղի մասնակցությամբ ամենաաղմկոտ սկանդալները

Սանկտ Պետերբուրգի առաջին քաղաքապետ Անատոլի Սոբչակի դստեր՝ Քսենիայի կյանքն ինչ-որ առումով սերիալ է հիշեցնում՝ «Դոմ 2»-ի վարողից մինչեւ ՌԴ նախագահի թեկնածու եւ հայտնի հեռուստաընկերության պրոդյուսերի պաշտոն: Այսօր լրանում է նրա 38-ամյակը, եւ NEWS.am STYLE-ը ներկայացնում է ամենաաղմկոտ սկանդալները, որոնք հեռուստահաղորդավարուհու կյանքի անբաժան մասն են:

Տեսահոլովակ Տիմատիի հետ «հոմ վիդեո» ոճով

2007թ.-ին Տիմատին եւ Սոբչակը նկարահանեցին «Потанцуй со мной» համատեղ տեսահոլովակը: Ընդ որում, ամենամեծ սկանդալն առաջացրին տեսահոլովակում օգտագործված «տնային տեսանյութի» կադրերը` սեւ-սպիտակ, լղոզված կադրեր, որոնք կարծես արվել են սիրողական տեաախցիկով եւ մթության մեջ: Դրանցում Սոբչակը մեկնված է սավանների վրա, իսկ Տիմատին անդրավարտիք է կրում: Կադրերը նկարահանվել էին հատուկ տեսահոլովակի համար, սակայն երաժշտական ալիքների հանդիսատեսին այնքան էին ցնցել անկեղծությամբ, որ գրեթե ոչ ոք կասկած չուներ. ռեփերի ու հեռուստահաղորդավարուհու միջեւ իսկապես ինչ-որ բան եղել է:

Վեճ եթերի ընթացքում

Սոբչակի հեռուսատատեսային կարիերան, հավանաբար, սկսվել է ռուսական հեռուստատեսությունում ամենասկանդալային նախագծից՝ «Դոմ 2»-ից: Քսենիան շոուն վարել է ութ տարի եւ այդ ընթացքում նախագծի շրջանակներում բազմաթիվ անգամներ հայտնվել է տհաճ իրավիճակներում: Բացի այն, որ Սոբչակը չէր ամաչում արտահայտություններ ընտրելիս եւ մշտապես ձգտում էր ուշադրությունը կենտրոնացնել իր նկատմամբ, մի անգամ հարձակվել է Բորոդինայի վրա:

Աղմկոտ բաժանում Վիտորգանից եւ ամուսնություն Բոգոմոլովի հետ

Մեկ տարի առաջ Քսենիան բաժանվել է առաջին ամուսնուց՝ դերասան Մաքսիմ Վիտորգանից, սակայն ամուսնալուծության գործընթացը բավական աղմկոտ էր ու սկանդալային: Նշենք, որ ամուսինները միմյանց չէին մեղադրում եւ նույնիսկ պնդում, որ դրական նոտայով են բաժանվել: Սակայն կարծես թե ամեն ինչ այնքան էլ հարթ չէ: 2019թ.-ի հունվարի 21-ին Սոբչակի նախկին ամուսինը վիճել է Բոգոմոլովի հետ: Այդ ժամանակ Քսենիայի եւ ռեժիսորի սիրավեպը գաղտնի էր: Մաքսիմը խանդի հողի վրա կոտրել է Կոնստանտինի քիթը:

Վեճերի ու սկանդալների շարք Վոլոչկովայի հետ

Վերջերս հայտնի է դարձել, որ երկու աստղերի երկարամյա կոնֆլիկտը տեղի է ունեցել տղամարդու՝ երիտասարդ ու գեղեցիկ գործարար Վյաչեսլավ Լեյբմանի պատճառով: Նա Քսենիայի առաջին սերն էր ու երկրպագուն: Նրանց սիրավեպն ավարտվել է, երբ աղջիկը սիրելիին կասկածել է դավաճանության մեջ: Իսկ նա նրան դավաճանել էր հենց Նաստյայի հետ, համոզված է Սոբչակը: Հենց այդ պատճառով Սանկտ Պետերբերուրգի առաջին քաղաքապետի դուստրը այս տարիների ընթացքում բաց չի թողել առիթը ենթադրյալ բաժանողից վրեժ լուծելու համար:

Վերսաչեի ցուցադրության ընթացքում նա հավաքվածների աչքի առջեւ Նաստյայի վրա գինի է լցրել, իսկ 2008թ.-ին «Ոսկե գրամոֆոն» մրցանակաբաշխության հանձնման ընթացքում Քսենիա Անատոլեւնան բեմ է բարձրացել բալետային հագուստով եւ սկսել է համբուրել շոկի ենթարկված բալետի արտիստին: