Չափազանց վաղ է ասել, թե արդյոք կհաջողվի կանգնեցնել Սիրիայի հյուսիս Թուրքիայի ներխուժումը. Պոմպեո
ԱՄՆ պետքարտուղար Մայք Պոմպեոն հայտարարել է, որ դեռեւս չափազանց վաղ է ասել, թե արդյոք կհաջողվի կանգնեցնել Սիրիայի հյուսիս Թուրքիայի ներխուժումը, հաղորդում է AFP-ը:
«Անկասկած, որոշակի առաջընթաց գրանցվել է»,- ասել է Պոմպեոն: ԱՄՆ-ը եւ Թուրքիան նախորդ շաբաթ համաձայնության են հասել 120 ժամով հրադադար սահմանելու եւ քրդական ուժերը դուրս բերելու հարցով: Ժամկետը լրանում է այսօր:
«Դա բարդ պատմություն է: Արդյունքը դեռեւս լիովին որոշված չէ»,- ասել է Պոմպեոն:
Մեջբերելով Թրամփին՝ Պոմպեոն ասել է, որ ԱՄՆ-ը պետք է «որոշակի կոշտ սեր» ցուցաբերի ՆԱՏՕ-ի իր դաշնակից Թուրքիայի նկատմամբ: