Հնդկաստանի վարչապետը երկրի լողափերից մեկում աղբ է հավաքել
Հնդկաստանի վարչապետ Նարենդրա Մոդին երկրի Թամիլնադ նահանգի Մամալապուրամ լողափին, որտեղ հանդիպել է Չինաստանի նախագահ ՍԻ Ցզինպինի հետ, աղբ է հավաքել, գրում է PA-ն։
Վարչապետը հրապարակել է տեսանյութ, որում ինքը բոբիկ քայլում է լողափով՝ պարկի մեջ լցնելով աղբը։
«Թույլ տվեք մեր հանրությանը վստահեցնել, որ մեր հանրային վայրերը մաքուր եւ կոկիկ են»,- Twitter-ի իր միկրոբլոգում գրել է Մոդին։
Նարենդրա Մոդին իր «Մաքուր Հնդկաստան» բնապահպանական քարոզչությունը սկսել է 2014-ին երկրի վարչապետ ընտրվելու պահից։
Այս տեսակետից նա բարձր է գնահատել հնդիկ պլոգգեր (բնապահպան-ակտիվիստ, որը աղբահավաքությունը համադրում է վազքի հետ) Ռուպիդաման Բելվիին։
Մոդին հայտարարել է, որ պլոգգինգը շատ տարածված է Արեւմուտքում եւ գովելի է դրա ի հայտ գալը նաեւ Հնդկաստանում։